Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Һәзрәт Ајәтуллаһул-узма
Хаменеи өтән ҝүн нүвә сәнајеси үзрә мәсул шәхсләр, експертләр вә елм адамлары илә
ҝөрүшдә нүвә ирәлиләјишләринин тәсиринин халгын јашајышында дујулмасы үзрә һәртәрәфли
сәјә тәкид едәрәк билдирибләр: “Сон дәрәҹә мүһүм олан нүвә сәнајесинин јерлиләшмәси,
өлкәдә үмид вә әмәк әһвал-руһијјәсини зәифләтмәк вә халгы тәһгир етмәк нијјәтиндә
олан гәрбпәрәстләрин тәһгир олунмалары вә Гәрбин уғурсузлуғуну ҝөстәрир.”
Гәрбин «Иранда нүвә силаһынын истеһсалындан горху» барәдәки иддиасыны јалан адландыран Ингилаб Рәһбәри әлавә едибләр: “Онларын өзләри билирләр ки, биз нүвә силаһы ардынҹа дејилик. Неҹә ки, Американын кәшфијјат тәшкилаты бир нечә дәфә, о сырадан сон ајларда бу ҝерчәкилијә етираф едибдир ки, Иранын нүвә силаһы дүзәлтмәјә доғру һәрәкәти барәдә һеч бир әламәт јохдур.”
Һәзрәт Ајәтуллаһул-узма Хаменеи истәр нүвә, истәрсә дә кимјәви олсун күтләви гырғын силаһларынын истеһсалыны Ислам дининә зидд адландырыб вә вурғулајыблар: “Әҝәр бу ислами әсас олмасајды вә бизим нүвә силаһы истеһсалы әзмкарлығымыз олсајды, бу иши ҝөрмүш олардыг вә дүшмәнләр дә билирләр ки, бизим гаршымызы ала билмәздиләр.”
Ислам Ингилабынын Бөјүк Рәһбәри «Иран халгынын инкишафы илә мүхалифәт»и дүшмәнләрин нүвә сәнајесинә илишмәләринин әсл сәбәби адландырыб вә дејибләр: “Бу сәнаје, өлкәнин вә халгын мүхтәлиф саһәләрдәки диггәтәлајиг ирәлиләјишләринин ачарыдыр. Ејни заманда, дүшмәнләр, диҝәр халгларын Иран халгынын тәрәггипәрвәр тәфәккүрү вә јолундан өзләринә нүмунә ҝөтүрмәләриндән горхурлар.”
Имам Хаменеји һәзрәтләри сонра дејибләр: “Нүвә тәрәфләри вә аҝентлији бу илләр әрзиндә чох вәдләр вердиләр ки, һеч бири һәјата кечмәди. Биз кимләрә вә һаралара етимад едиб-етмәмәли олдуғумузу баша дүшдүк. Бу мәсәлә, бир халг үчүн олдугҹа мүһүмдүр. Ејни заманда, бу мәсәләјә диггәтсизлијә ҝөрә, чох јерләрдә зәрбә алмышыг.
Һәзрәт Ајәтуллаһул-узма Хаменеи дүнјада рәваҹ тапмыш ашағы һәҹмли електрик стансијаларынын јарадылмасы үзәриндә иши зәрури адландырыб вә гејд едибләр ки, өлкә мүхтәлиф секторларда бу кими електрик стансијаларына еһтијаҹ дујур.
Үмүдүнја Мүсәлманларынын Али Рәһбәри Иран Атом Енержиси Тәшкилатынын гаршы тәрәфләрин зоракы тәләбләри вә ҝерчәкликдәнузаг иддиаларыны гәбул етмәмәсинә тәкид едәрәк вурғулајыблар: “Нә зоракы тәләбләри гәбул един, нә дә ки, «филан вахт, филан иши ҝөрүбләр» кими ҝерчәкликдәнузаг вахташыры иддиалары.”
Гејд едәк ки, Ислам Ингилабынын Бөјүк Рәһбәри Һәзрәт Ајәтуллаһул-узма Хаменеи өтән ҝүн сәһәр Имам Хомејни (ризвануллаһи тәала әлејһ) адына һүсејнијјәдә саат јарым мүддәтинә өлкәнин нүвә сәнајесинин наилијјәтләри сәрҝисини дә нәзәрдән кечирибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!