Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән,Иран Хариҹи
Ишләр Назирлијинин сөзчүсү Азәрбајҹан Республикасы илә тәмасларын өз бәһрәсини вермәјә
башладығыны вурғулајыб.
СәһәрАзәри-нин мәлуматына әсасән, Насир Кәнани мәтбуат конфрансында дејиб: “Бизим Азәрбајҹанла бағлы сијасәтимиз ҝәрҝинлик јаратмаг дејил, ҝәрҝинлији азалтмаг вә мүнасибәтләр просесини бирҝә әмәкдашлыға әсасланан тәбии, достлуг вә конструктив јола гајтармагдыр”.
Дипломат сонра гејд едиб: “Инанырыг ки, ҝөрдүјүмүз дипломатик тәдбирләр нәтиҹәсиндә ҝәрҝинлијин нәзарәт алтына алынмасы илә бағлы мүсбәт нәтиҹә әлдә етмишик. Һазырда ҝәрҝинлик мәрһәләсиндән јени мәрһәләјә кечмәк үчүн данышыглар просесиндәјик”.
Онун сөзләринә ҝөрә, ики өлкәнин хариҹи ишләр назирләри арасында мүхтәлиф фасиләләрлә дөрд раунд данышыглар апарылыб вә данышыгларын сон раундунда ҝәрҝинлији идарә етмәк, анлашылмазлыглары арадан галдырмаг вә ики өлкә арасында мүнасибәтләри әввәлки вәзијјәтинә гајтармаг үчүн ики өлкә арасында бәзи техники вә ихтисаслашмыш нүмајәндә һејәтләринин мүбадиләси дә дахил олмагла бәзи иҹраедиҹи аддымлар разылашдырылыб.
Кәнани әлавә едиб ки, Азәрбајҹан Республикасынын Теһрандакы сәфирлијинин рәсми фәалијјәтини бәрпа етмәк үчүн диалога еһтијаҹымыз вар вә бунун үчүн фикир мүбадиләси апарылыр.
О, һәмчинин үмидварлыг едиб ки, Азәрбајҹан һөкумәтинин гаршылыглы аддымлары илә тәмаслардан мүсбәт нәтиҹәләр әлдә олунаҹагдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!