Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Үмүмдүнја
Әһли-Бејт (ә) Ассамблејасы Сәудијјә режими тәрәфиндән Шиә фәалларынын арды кәсилмәдән
едам етмәси илә бағлы бәјанат јајыб.
Бәјанатын мәтни беләдир:
Рәһман вә Рәһимли Аллаһын Ады илә
«إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَىٰ أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ ۚ إِنَّ اللَّهَ نِعِمَّا يَعِظُكُمْ بِهِ ۗ إِنَّ اللَّهَ كَانَ سَمِيعًا بَصِيرًا»
(Һәгигәтән, Аллаһ сизә әманәтләри өз саһибләринә гајтармағы вә инсанлар арасында һөкмдар олдугда әдаләтлә һөкм вермәји әмр едир. Аллаһын сизә вердији бу өјүд-нәсиһәт неҹә дә ҝөзәлдир! Шүбһәсиз ки, Аллаһ Ешидәндир, Ҝөрәндир.) - Ниса сүрәси, Ајә 58.
Тәәссүфләр олсун ки, Сәудијјә Әрәбистаны Краллығында мәһбусларын едам едилмәси һаллары, хүсусән дә Әһли-бејт мәктәбинин давамчылары арасында давам едир ки, бу да онларын јараларыны даһа да дәринләшдирир вә мәһбусларын, тәгсирләндириләнләрин вә мәһкумларын һүгугларына һөрмәтсизликлә бағлы тәһлүкәли преседент јарадыр.
Үмүмдүнја Әһли-Бејт (ә) Ассамблејасы мәрһумларын аиләләринә башсағлығы верәрәк, бүтүн вәтәндашларын һүгугларынын горунмасына, онларын һүгуги вә инсани азадлыгларынын верилмәсинә; о ҹүмләдән етигад азадлығыны, һәр бир вәтәндаша өз инандығы дининә вә мәзһәбинә әсасланан Дини вә Илаһи Гајдалара риајәт етмәк, ајинләринин, ибадәтләринин вә мәрасимләринин јеринә јетирилмәси үчүн онлара шәраитин јарадылмасына чағырыр.
Үмумдүнја Әһли-Бејт (ә) Ассамблејасы, мәһбусларын әдаләтли мүһакимә олунмасыны, һүгугларынын тәмин едилмәсини, онлары тәзјиг алтында гојулмамасыны, вәкилин әдаләтли һүгугунун верилмәсини, ҹинајәтә ујғун ҹәзаларын верилмәсини (әҝәр мүттәһимләр һәгигәтән ҹинајәт төрәдибләрсә) вә өзбашына һөкмләрин чыхарылмамасыны тәләб едир.
Ислам үммәтинин вәһдәтинин горунуб сахланмасы, тәрәгги вә рифаһа наил олмагла, онун иззәтинин јенидән гајтарылмасынын гајғысына галанлар, бу јалныш әмәлләрин мүсәлманларын гибләсинин јерләшдији, Илаһи Вәһјин назил олдуғу вә Пејғәмбәрин (сәлләллаһу әлејһи вә алиһ) мүгәддәс мәгбәрәсинин гәрар тапдығы мөвгејинә зидд олдуғу гәнаәтиндәдирләр. Вә бу, Сәудијјә Әрәбистаны Краллығынын тәшвиг етдији, барышыг, сабитлик вә өлкәнин имиҹинин јахшылашдырылмасы үчүн тәләб олунан инкишаф просесинә наил олмаг сәјләри илә ујғун ҝәлмир.
Үмумдүнја Әһли-Бејт (ә) Ассамблејасы дүнја иҹтимаијјәти, әрәб вә ислам өлкәләриндән, Сәудијјә Әрәбистаны краллығынын достларындан бу мөвзуда гардашлыг вә достлуг борҹуну јеринә јетирмәләрини вә Исламын бөјүк мәнафеләринә, бирлик, гардашлыг принсипләринә ујғун олараг, милләтләрин вә реҝионун талеји үчүн һәрәкәт етмәләрини хаһиш едир.
Үмумдүнја Әһли-Бејт (ә) Ассамблејасы тәҹили олараг Шәрафәтли Мәккә вә Мәдинә һәрәмләринин мәмурларындан өлүм һөкмләринин иҹрасыны дајандырмағы хаһиш едәрәк, әсас һүгуг вә азадлыглары горујуб сахлајаҹаг, дүнја вә ахирәтдә сәадәт вә гәләбәни тәмин едәҹәк шәкилдә һәрәкәт етмәкләрини тәвәгге едир.
Үмүмдүнја Әһли-Бејт (ә) Ассамблејасы
16 Зил-Гаидә әл-Һәрам 1444-ҹү ил
Диггәт: Хәбәрдән Истифадә Етдикдә Мәнбәјә Истинад Лазымдыр!