Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Әрәбистан
јерли хәбәр мәнбәләри даһа үч Шиәнин сәудијјә сүлалә режими тәрәфиндән едам едилдијини
билдириб.
Сәудијјә сүлалә режиминин Дахили Ишләр Назирлијинин бәјанатына әсасән, базар ҝүнү бу өлкәнин 3 вәтәндашы тәһлүкәсизлик гүввәләринә гаршы фәалијјәт ҝөстәрмәк вә терроризми малијјәләшдирмәк мәгсәди илә террор груплашмасы јаратмаг кими иттиһамлар илә һәбс едиләрәк едам едилибләр.
Сәудијјә режим ДИН-ин вердији бәјанатда, едам олунан бу үч нәфәрин ады ачыгланыб: 1- Әбдүл Малик бин Фәһд бин Әбдүл Рәһман Әл Баади, 2- Мәһәммәд бин Халид бин Сәуд Әл Усејми 3- Мәһәммәд бин Әбдүл Рәһман бин Тавирәш Әл Тавирәш.
Вәһһаби әгидәли Сәудијјә сүлалә режиминин иддиасына ҝөрә, едам олунан бу үч шәхсләр дә диҝәр едам олунан Шиә ҹаванлары кими силаһ, сурсат дашымагда, террор тәшкилатынын лидеринә бејәт етмәкдә вә Сәудијјә сүлалә режиминин тәһлүкәсизлик забитини өлдүрүб јандырмаг кими гондарма иттиһамлар илә ҝүнаһландырылыблар.
Хатырладаг ки, өтән һәфтә Сәудијјә режиминин Дахили Ишләр Назирлији террорчу груплашма үзвү олдугларыны иддиа етдији үчүн Гәтифли 3 Шиә ҹаванын едам едилдијини ачыгламышды.
Диггәт: Хәбәрдән Истифадә Етдикдә Мәнбәјә Истинад Лазымдыр!