Әһли-Бејт (ә) Хәбәр Аҝентлији

мәнбә : ABNA24
cümə

2 iyun 2023

21:32:18
1370743

Иран илә Өзбәкистан арасында игтисади әмәкдашлыг сәнәдләри имзаланыб

Иран-Өзбәкистан бирҝә игтисади комиссијасынын он бешинҹи иҹласы мајын отуз бириндә Дашкәнд шәһәриндә кечирилиб.

Иран-Өзбәкистан бирҝә игтисади комиссијасынын он бешинҹи иҹласына Иран Ислам Республикасынын сәнаје, мәдән вә тиҹарәт назирлијинин башчысы Сејид Меһди Нијази вә Өзбәкистан Республикасынын инвестисија, сәнаје вә тиҹарәт назири Ләзз Гүдрәтов һәмсәдрлик едибләр.

Иран сәнаје, мәдән вә тиҹарәт назирлијинин башчысы иҹласын сонунда дејиб: Бу бирҝә комиссијада ики тәрәф тиҹарәт, сәнаје, мәдән, игтисадијјат, кәнд тәсәррүфаты, елм, технолоҝија, туризм, мәдәнијјәт, идман, нәглијјат, нефт вә енерҝетика әмәкдашлыглары барәдә мүзакирә апарыб.

О, әлавә едиб: Иҹласын ҝедишиндә, бирҝә комиссијанын иҹласынын јекун сәнәдиндән әлавә, идман саһәсиндә иҹра програмы, һәмчинин тиҹарәт мүбадиләси һәҹминин 1404-ҹү ҝүнәш илинәдәк бир милјард долларәдәк артырылмасы үзрә јол хәритәси барәдә ики сәнәд имзаланыб.

Иран сәнаје, мәдән вә тиҹарәт назирлијинин башчысы әлавә едиб: Нәглијјат, слғорта вә ҝүзәштли тиҹарәт саһәләриндә вә саир мөвзуларда бәзи мүһүм сәнәдләрин гәтиләшдирилмәси барәдә дә данышыглар апардыг вә онларын сәнәдләринин Өзбәкистан президентинин Ирана олаҹаг гаршыдакы сәфәриндә имзаланмасы гәрара алынды.

Нијази бу иҹласын кәнарында Өзбәкистанын инвестисија, сәнаје вә тиҹарәт назири, һәмчинин бу өлкәнин кәнд тәсәррүфаты, елм, тәдгигат вә инновасија назирлијинин баш рәсмиләри дә дахил олмагла Өзбәкистан рәсмиләрилә ҝөрүш вә данышыглар апарыб.

342/