Әһли-Бејт (ә) Хәбәр Аҝентлији

мәнбә : АБНА Хәбәр Аҝентлији
cümə axşamı

1 iyun 2023

15:50:00
1370484

Имам Хаменеи Гурбангулу Бәрдимәһәммәдов илә кечирдији ҝөрүшүндә: Иран вә Түркмәнистан ики гоһум өлкәдир

Имам Хаменеи һәзрәтләри, Түркмәнистан Халг Мәсләһәт Шурасынын рәһбәринин Иран вә Түркмәнистан сәрһәди јахынлығындан Каспи дәнизинә гәдәр автомобил јолунун тикинтиси үчүн иранлы мүтәхәссис вә експертләрин иштиракы илә бағлы мүраҹиәтинә тохунараг әлавә едибләр: “Иран, глобал игтисадијјатда гуру вә дәмир јолу коммуникасијаларынын мүһүм мөвгејини нәзәрә алараг, Түркмәнистаны вә онун әтрафындакы өлкәләри Оман дәнизинә бирләшдирә биләҹәк шималдан ҹәнуба транзит маршрутуну тамамламаг әзминдәдир.”

Әһли-Бејт (әлејһимус сәлам) Хәбәр Аҝентлији – АБНА-нын вердији мәлумата әсасән, Ислам Ингилабынын Али Рәһбәри Ајәтуллаһ Узма Сејјид Әли Хаменеи Һүсејни ҹәнаблары бу ҝүн ахшам 17:00 радәләриндә Түркмәнистан Халг Мәсләһәт Шурасынын сәдри ҹәнаб Гурбангулу Бәрдимәһәммәдов илә кечирдији ҝөрүшүндә Иран Ислам Республикасы вә Түркмәнистаны гоһум адландырыб вә һәр ики дөвләтләрин бир чох мәдәни ортаглыглара малик олдуғуну билдирәрәк вурғулајыб:

 “Бу мәдәни үмумиликләр мүхтәлиф секторларда, хүсусилә енержи вә јол саһәләриндә әлагәләрин даһа да ҝенишләндирилмәси үчүн мүһүм әсасдыр.”

Үмүдүнја Мүсәлманларынын Али Лидери һәзрәт Ајәтуллаһ Хаменеи ики өлкәнин Әтрак-Суләһа вә Ҹејһун-Амудәрја чајлары арасында јүзләрлә мәшһур алим вә шәхсијјәтин јетишдијинә, еләҹә дә Иранда мәшһур түркмән шаири Мәхтумгули Фәрағинин мәгбәрәсинин јерләшдијинә тохунараг әлавә едиб:

 “Бу мәдәнијјәт саһәләрини гијмәтләндирмәмәк олмаз.”

Һәзрәт Ајәтуллаһ Хаменеи Түркмәнистан Халг Мәсләһәт Шурасы сәдринин мәдәнијјәт вә дини мәсәләләрә хүсуси диггәт јетирмәсини, мәдәнијјәт оҹагларынын вә мәсҹидләрин ҝенишләндирилмәси истигамәтиндәки сәјләрини јүксәк гијмәтләндирәрәк билдирибләр:

  “Коммерсија мәсәләләри саһәсиндә, хүсусилә јол сектору вә су, електрик вә газла бағлы саһәләрдә әмәкдашлығы ҝенишләндирмәк үчүн даһа чох имканлар мөвҹуддур вә Иран Ислам Республикасы бу секторларда әмәкдашлыға һазырдыр.”

Имам Хаменеи һәзрәтләри, Түркмәнистан Халг Мәсләһәт Шурасынын рәһбәринин Иран вә Түркмәнистан сәрһәди јахынлығындан Каспи дәнизинә гәдәр автомобил јолунун тикинтиси үчүн иранлы мүтәхәссис вә експертләрин иштиракы илә бағлы мүраҹиәтинә тохунараг әлавә едибләр:

  “Иранын Јоллар Назирлији бу маҝистрал јолу тикмәк имканына маликдир, глобал игтисадијјатда гуру вә дәмир јолу коммуникасијаларынын мүһүм мөвгејини нәзәрә алараг, биз Түркмәнистаны вә онун әтрафындакы өлкәләри Оман дәнизинә бирләшдирә биләҹәк шималдан ҹәнуба транзит маршрутуну тамамламаг әзминдәјик.”

Ислам Ингилабынын Рәһбәри әлагәләрин ҝенишләндирилмәсини ики өлкәнин хејринә һесаб едиб вә әлагәләрин ҝәләҹәјинә никбин бахыб вә вурғулајыблар:

  “Иран Ислам Республикасы илә Түркмәнистан арасында даһа чох әмәкдашлыг ики өлкәнин јени дүнја дүзәниндә мөвгеләринин јахшылашдырылмасы үчүн зәмин јарадаҹаг.”

Мәсләһәт Шурасынын рәһбәри Ајәтуллаһ Амоли Лариҹанинин иштирак етдији бу иҹласда Түркмәнистан Халг Мәсләһәт Шурасынын сәдри ҹәнаб Гурбангулу Бәрдимәһәммәдов Ислам Ингилабынын Рәһбәри илә ҝөрүшдән мәмнунлуғуну ифадә едәрәк дејиб:

  “Өтән илләрдә вә президент олдуғум мүддәтдә Ирана сәфәрләрим заманы һәмишә әлаһәзрәтинизин фикир вә төвсијәләриндән истифадә етмишәм вә һәмин төвсијәләр әсасында мүһүм ишләр ҝөрүлмүшдүр. Вә бу ҝөрүшдә дә мән Түркмәнистанда бөјүк лајиһәләрин һәјата кечирилмәси үчүн јени төвсијәләриниздән фајдаланмаг нијјәтиндәјәм.”

Ҹәнаб Гурбангулу Бәрдимәһәммәдов, Иран Ислам Республикасынын рәсмиләри илә апардығы данышыглара тохунараг әлавә едиб:

  “Бу данышыгларда әмәкдашлығын ҝенишләндирилмәси, хүсусән дә јол тикинтиси вә су, електрик вә газ јатагларында иранлы мүтәхәссис вә експертләрдән истифадә олунмасы үчүн јахшы разылашмалар әлдә едилди.”

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!