СәһәрАзәри-нин мәлуматына әсасән, Түрк лирәсинин дәјәрини итирмәсинин әсас сәбәби Түркијәнин өзүнүн игтисади вәзијјәтидир. Чүнки зәлзәләдән сонра чохлу пул лазымдыр. Валјута дәјәрләриндә вә турист сајында исә ҝөзләнилән гәдәр артым һәлә ки јохдур.
Бу сөзләри Натиг Ҹәфәрли сон ики ҝүндә бир долларын 20,4 лирәјә галхмасыны шәрһ едәркән дејиб.
Експерт билдириб ки, сөзүҝедән нүанслар өлкәјә валјута дахилолмаларынын азалмасына сәбәб олуб:
"Сечкиләрдән сонра да инвесторлар Рәҹәб Тајјиб Әрдоғанын һәмин сијасәти јәни фаизләри ашағы чәкмәк сијасәтини давам етдирәҹәјини дүшүнүрләр. Она ҝөрә дә түрк лирәси уҹузлашыр”,- Натиг Ҹәфәрли дејиб.
Онун сөзләринә ҝөрә, һазырда Түркијә һөкумәти лирәнин уҹузлашмасынын гаршысы һеч ҹүр ала билмәз:
"Јалныз бөјүк һәҹмдә кредит ҝөтүрмәлидир. О заман проблеми јүнҝүлләшдирмәк мүмкүн ола биләр",- Игтисадчы експерт билдириб.
342/