Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Сәудијјә режиминдә
Шиәфобија сәнҝимир. Сәуд сүлаләсинин Гуран вә Әһли Бејт (әлејһимус сәлам) Мәктәбинин
давамчыларына гаршы едамлар давам етмәкдәдир.
“Әл-Ҹәзирә”нин интернет сајтынын вердији мәлуматда бу барәдә белә дејилир:
“Сәудијјә режими ачыг шәкилдә бәјан едиб ки, виҹдан мәһбусларынын едам сијасәти илә хариҹи разылашмалар вә реҝионда ҝәрҝинлијин азалдылмасы јоллары арасында атылан аддымларла һеч бир әлагә јохдур. Гәтиф вә Әһса ҹамааты өз ләјагәт, шәрәф вә гануни инсан һагларынын мүдафиәсинин бәдәлини белә өдәмәјә давам едир.”
22 мај 2023-ҹү ил тарихиндә Сәудијјә Әрәбистанынын Өлүм Назирлији террор тәшкилатларында хидмәт етмәк мәгсәди илә краллыг һүдудларындан кәнарда јерләшән дүшәрҝәјә гатылараг Сәуд краллығына гаршы олан үч Гәтифлинин едам едилдијини тәсдигләјән бир бәјанат верди.
Бу бәјаната ҝөрә, гејд олунан едам һөкмү Һәсән Иса Али Мәһна, Һејдәр Һәсән Мәвис вә Муһәммәд Ибраһим Мәвис-ә гаршы иҹра едилиб.
Бу барәдә Сәудијјә Әрәбистанынын Авропа Инсан Һаглары Тәшкилаты мәлумат јајараг билдириб ки, Сәудијјә һөкүмәти онларын һәбси вә ја ахтарышда олуб-олмамасы илә бағлы һеч бир рәсми хәбәр јајмадығындан бу үч нәфәр мәһкәмә просесләриндә нәзарәтә ҝөтүрүлмәјиб.
Тәшкилат һәмчинин бәјан едиб ки, гејд олунан едамлар Сәудијјә Әрәбистанынын ән ағыр ҹинајәтләрә ҝөрә ҹәзанын мәһдудлашдырылмасы илә бағлы бејнәлхалг форумларда тәкрарладығы рәсми иддиаларынын јалан олдуғуну бир даһа тәсдигләјир.
Гејд едәк ки, Сәудијјә режими сон ики ајда Гәтифдән Әнвәр әл-Әләви, Мәнһал әл-Рибһ вә Һејдәр әт-Таһиф адлы үч нәфәри едам едиб.
Гејд олунанлардан әлавә, Сәудијјә режиминин әлиндә 144-дән чох Гәтиф вә Әл-Әһса шәһидинин ҹәназәси вар. Онлар тәһлүкәсизлик гүввәләри тәрәфиндән күчәләрдә ҝүлләләнәрәк һәбс олунан, һәбсхана камераларында ишҝәнҹә гамчылары алтында һәјатыны итирән, тәк-тәк вә ја груп һалында бојунлары гылынҹла кәсиләрәк едам олунанларын ҹәсәдләридир. Дәфәләрлә тәләб олунмасына бахмајараг, режим ҹәсәдләри аиләләринә тәһвил вермәмәкдә исрарлыдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!