Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Әрәбистан
Јарымадасында Инсан Һагларыны Мүдафиә Комитәси һесабатында јазыб:
“Сәудијјәли ҝәнҹ Шиә Әнвәр Әл-Әләвинин едам едилмәси һәр кәси шока салды, онун аиләсинә өлүм һөкмү барәдә мәлумат верилмәмишди вә онун ады да һүгуг-мүдафиә тәшкилатлары тәрәфиндән едамла тәһдид едилән виҹдан мәһбусларынын адлары арасында гејд едилмәмишдир.
Әнвәр әл-Әләви сојугганлылыгла едам едилди вә аиләси јаса батды, онун өлүм һөкмү нә вахт верилди? Һеч ким билмир... Онун мәһкәмәси нә вахт вә неҹә кечирилиб? Буну да һеч ким билмир. Һәтта онун иттиһамлары да ајдын дејил.
Сәудијјә Әрәбистанынын сәлаһијјәтли органлары тәрәфиндән ачыглананларын һамысы Дахили Ишләр Назирлијинин Әнвәр әл-Әләвинин едамы илә бағлы бәјанатында дејиләнләрлә ејнијәт тәшкил едир. Бу назирлијин бүтүн ачыгламалары кими, Әнвәр әл-Әләвинин едамы илә бағлы јајдығы бәјанатда да јалан иттиһамлар, јалан мәлуматлар вар.
Бу һадисә нараһатлығын чохалмасына сәбәб олур вә тәһлүкәли бир реаллыға ишарә едир. Өлүмә мәһкум олунанларын сајы билдијимиздән гат-гат чохдур!
2017-ҹи илдә һәбс едилән Әнвәр әл-Әләви 2023-ҹү илин әввәлиндән Сәудијјә Әрәбистанынын Шиә бөлҝәсиндә едам едиләрәк өлдүрүлән үчүнҹү шәхсдир. Сәудијјә һакимијјәти март ајында ҝәнҹ виҹдан мәһбусу Һејдәр әл-Таһифәни вә бу јахынларда, бу ајын әввәлиндә Сәудијјә Әрәбистанынын Дахили Ишләр Назирлији виҹдан мәһбусу Минһал әл-Рибһин едам едилдијини елан едиб.
Һејдәр вә Минһал едамла тәһдид едилән виҹдан мәһбуслары сијаһысында идиләр, бу сијаһыда 75-ә јахын азјашлылар да дахил олмагла ад вар.
Сәудијјә һакимијјәти аиләләрә хәбәр вермәдән едамлары ҝизли һәјата кечирир, она ҝөрә дә бу едам һәм аиләләри вә һәм дә инсан һаглары тәшкилатларыны шока салыр.
Һәр һалда Әнвәр әл-Әләвинин ады едам олунаҹагларын сијаһысында јох иди, јәни онун едамы һеч вахт ҝөзләнилмирди, она ҝөрә дә онун едам олунмасы хәбәри һәр кәси шока салды вә тәһлүкәли нәтиҹәләрә сәбәб олду.
Мәһз буна ҝөрә дә, Сәудијјә һакимијјәтинин амансыз вә репрессив сијасәтинин һеч бир манеә илә үзләшмәдән давам етдирмәси һәр ан баш верә биләҹәк фәлакәтдән хәбәр верир.”
Диггәт: Хәбәрдән Истифадә Етдикдә Мәнбәјә Истинад Лазымдыр!