Рүфәт Сәфәров дејиб ки, Иранла дөвләтләрарасы бөһран зәмининдә Азәрбајҹан һакимијјәти фүрсәти фөвтә вермир, дахилдә һаким сијасәтлә разылашмајан инанҹлы шәхсләрә гаршы јени, лакин ағыр репрессија сәһифәси ачыб. Әсас вә сәбәб олмадан ҹинајәт ишләри ачылыр, “нөвбәтчи иттиһамлар” ишә салыныр, шүурлу өмрүнү руһанилијә һәср едән, һәјатында бир дәфә дә олсун сигарет чәкмәјән, пис вәрдиши олмајан инанҹлы шәхс “наркотаҹир” гисминдә тәгсирләндирилир, ја да һеч бир дәлил олмадан дөвләтә хәјанәт иттиһамы ирәли сүрүлүр.
Онун сөзләринә ҝөрә, һеч бир ҹинајәти олмајан инанҹлы шәхсләр гурама иттиһамлар әсасында ҹәмијјәтдән тәҹрид едилирләр, бу, азлыг едирмиш кими, гејри-инсани рәфтара, ағыр ишҝәнҹәләрә мәруз галырлар.
Һүгуг мүдафиәчиси сонра “Нардаран иши” үзрә 20 ил мүддәтинә азадлыгдан мәһрум едилмиш виҹдан мәһбусу, Мүсәлман Бирлији Һәрәкатынын үзвү Аббас Һүсејнин талејинә тохунуб: “Аббас Һүсејн чармыха чәкилиб. Лүт сојундуруб, саатларла гызмар ҝүнәш алтында сахлајыбыар. Електрошок васитәсилә бәдәнинә ҹәрәјан верибләр. “Бандотдел”дә бу вандализми едәнләр исә ермәниләр јох, ејни миллијәти пајлашдығымыз инсанлар олуб”.
Һүгуг мүдафиәчиси гејд едиб ки, Пенитенсиар Хидмәтин Мүалиҹә Мүәссисәсинин рәиси Мајыл Мәммәдов ишҝәнҹә просесиндә шәхсән иштирак едиб.
342/