Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, јүз минләрлә
јәмәнли Фәләстин халгы илә һәмрәјликләрини ифадә етмәк вә Фәләстин мүгавимәт гүввәләринин
гәләбәси вә сионист ишғалчы ордусунун Гәзза золағына 5 ҝүн әрзиндә етдији һүҹумунда
мәғлубијјәтә уғрамасына ҝөрә өз хошбәхтликләрини елан етмәк үчүн Јәмәнин пајтахты
Сәнада јүрүш кечирибләр.
Јүрүшдә иштирак едәнләр әлләриндә Фәләстинин вә Фәләстин Ислами Ҹиһад Һәрәкатынын бајрагларыны тутараг Фәләстинин азадлығы уғрунда мүгавимәт ҝөстәрән силаһлы груплашмалара, хүсусилә дә Фәләстин Ислами Ҹиһад Һәрәкатына дәстәк шүарлары сәсләндирибләр.
Бу јүрүш “Азадларын ганынын гисасы” ады алтында кечирилиб. Јәмәнли јүрүш иштиракчылары һәмчинин сионист режим вә америкалыларын сијасәтләрини писләјән шүарлар сәсләндириб вә әрәб өлкәләринин сионистләрин ҹинајәтләри илә бағлы иҹтимаи вә рәсми сүкутуну писләјибләр.
Аксија иштиракчылары мүсәлман халгларын ојанышыны вә онларын Фәләстин арманларыны дәстәкләмәләрини вә онун халгларын приоритет вә ҝүндәминә гајтарылмасыны вурғуладылар.
Фәләстин халгы илә һәмрәјлик вә Гәзза золағында мүгавимәтин гәләбәсиндән хошбәхтлик ифадә едән јүрүш иштиракчылары Јәмәнин пајтахты Сәнада АБШ вә сионист режимин бајрагларыны јандырыблар.
Диггәт: Хәбәрдән Истифадә Етдикдә Мәнбәјә Истинад Лазымдыр!