Илһам Әлијев вә Шарл Мишел Азәрбајҹан илә Ермәнистан арасында мүнасибәтләрин нормаллашмасы просесинин Брүссел форматынын бәрпасыны алгышлајыблар. Азәртаҹ хәбәр верир ки, Әлијев бу истигамәтдә ҝөстәрдији сәјләрә ҝөрә Шарл Мишеле миннәтдарлығыны билдириб.
Сөһбәт заманы Азәрбајҹан-Ермәнистан мүнасибәтләри илә бағлы сон ајларда баш верән просесләр, Вашингтон данышыглары, Азәрбајҹан-Ермәнистан сәрһәдиндәки вәзијјәт, о ҹүмләдән Илһам Әлијев, Шарл Мишел вә Никол Пашинијанын иштиракы илә бу ҝүн кечириләҹәк үчтәрәфли ҝөрүшүн ҝүндәлији мүзакирә едилиб.
Армен Пресс-дә билдириб ки, Пашинјан Авропа Шурасынын президенти илә ҝөрүшүндә реҝиондакы һәрби-сијаси вә һуманитар вәзијјәти мүзакирә едиб.
Ермәнистанын баш назири вә Авропа Иттифагы Шурасынын сәдри Азәрбајҹан президентинин иштиракы илә мајын 14-дә ҝөзләнилән үчтәрәфли ҝөрүшү дә мүзакирә едиб вә ијунун 1-дә Авропа Сијаси Бирлијинин Зирвә Топлантысы чәрчивәсиндә Кишинјовда Франса президенти Еммануел Макрон вә Алманија канслери Олаф Шолтз илә бештәрәфли ҝөрүшүн кечирилмәсинин әһәмијјәтини гејд едибләр.
Гејд едәк ки, Әлијев, Пашинјан вә Мишел арасында үчтәрәфли ҝөрүш артыг башлајыб.
342/