Түркијәдә президент вә парламент сечкиләринин нәтиҹәси елан едилиб. Сәсвермәнин нәтиҹәсиндән ајдын олуб ки, 14 мај сечкиләриндә президентлијә назмизәдләрдән һеч бири 50 фаиз сәс топлаја билмәјиб вә ики һәфтәдән сонра сечкинин икинҹи туру кечирилмәлидир. Икинҹи тур мајын 28-дә кечириләҹәк.
“Реутерс” јазыр ки, сечки гуруларынын 97 фаизи сајылыб, Әрдоған 49.42, Кылыҹдароғлыу 44.95 фаиз сәс јығыб.
Олдугҹа һәјәҹанлы шәраитдә кечирилән сечкиләрдән сонра Милләт Иттифагындан намизәд олан ҸҺП лидери Камал Кылыҹдароғу икинҹи турда галиб ҝәләҹәјини дејиб. О, Әрдоғанын партијасыны сәссајма вә нәтиҹәләрин ачыгланмасына мүдахиләдә сучлајыб.
“Ердоған бүтүн бөһтан вә тәһгирләрә рәғмән истәдијинә наил ола билмәди. Бу сечкини икинҹи турда мүтләг газанаҹағыг. Гаршыдакы 15 ҝүндә милләтимизә һаггы, гануну, әдаләти ҝәтирмәк үчүн әлимиздән ҝәләни едәҹәјик”, - дејә Милләт Иттифагынын намизәди бәјан едиб.
Парламент сечкиләринә ҝәлинҹә, индики игтидарын ганунвериҹилик органында чохлуғу итирмәкдә олдуғу ајдын олур. Белә ки, Ҹүмһур Иттифагы парламент јерләринин тәгрибәт 49 фаизини әлдә едә билиб вә бу сечки блокундан 317 намизәд депутатлыг мандат газаныб. Бунунла да ҝәләҹәк мәҹлисдә бу иттифаг диҝәр партијаларын тәмсилчиләри вә ја мүстәгил депутатларла коалисија гурмаға мәҹбур ола биләр.
Партијаларын топладығы һазрыкы сәс фаизи беләдир: АКП – 35,5%, ҸҺП - 25,39%, ИЈИ Партијасы - 9,75%, МҺП - 10,06%, Јенидән Рифаһ - 2,86% вә Јашыл Сол Партија - 8,77%
Бу нәтиҹәнин ортада олдуғуна рәғмән, Түркијә Президенти Рәҹәб Тәјјиб Әрдоған Анкарада Әдаләт вә Инкишаф Партијасынын Баш гәрарҝаһында етдији чыхышында парламентдә чохлуғун Ҹүмһур Иттифагына аид олдуғуну вурғулајыб. О дејиб: “Гаршыдакы 5 илдә халгымыза хидмәт етмәјә давам едәҹәјимизә инанырыг”.
Беләликлә дә өтән сечкиләрлә мүгајисәдә Түркијә игтидарынын ҝериләдији вә онун рәгибләринин гүввәләр балансыны дәјишдији һисс олунур. Президент сечкиләринин икинҹи туру бу бахымдан һәссасдыр, Әрдоған сечки намизәди Синан Оған-ла разылыға ҝәлә билмәсә, сијасәтдән ҝетмәли олаҹагдыр. Тәбии ки, Милләт Иттифагы даһа ҹидди имтијазларла ону өз тәрәфинә ҹәлб етмәјә чалышаҹаг, биринҹи турда икинҹи јери тутмуш Кылычдарғолу буна әминдир.
342/