Алманија Ҹинајәтин Гаршысынын Алынмасы Бүросу 2022-ҹи ил үчүн өлкәдә мәсҹидләрә едилән һүҹумларын сајына даир иллик һесабатыны ачыглајыб вә бу һесабатда 62 һүҹумун гејдә алындығыны, һүҹумларын сајынын 2021-ҹи иллә мүгајисәдә 14 фаиз артдығыны билдириб.
Һесабат ҝөстәрир ки, бу һүҹумларын әксәријјәти ифрат сағчылара мәнсуб шәхсләр вә ја груплар тәрәфиндән һәјата кечирилиб.
Алманија Мүсәлманлары Мәркәзи Шурасы өз нөвбәсиндә билдириб ки, мүвафиг гурумлара мәлумат верилмәјән һалларын олмасы сәбәбиндән иллик һесабатда гејд олунанларын сајы фактики һалларын сајындан аздыр.
Мараглыдыр ки, Әл-Әзһәр Екстремизмлә Мүбаризә Рәсәдханасы бундан әввәл мүсәлманлара вә онларын мүгәддәсликләринә гаршы ифрат сағчы һүҹумларын артмасына, иҹтимаи чыхышларда вә сосиал шәбәкәләрдәки сәһифәләриндә онлара гаршы давамлы олараг тәһрик едилмәсинә даир бир нечә һесабат јајмышды.
Рәсәдхана вурғулајыр ки, исламофобија феномени илә мүбаризә ифрат сағчы груплара гаршы даһа сәрт тәдбирләрин ҝөрүлмәсини вә ҹәмијјәтдә толерантлыг вә динҹ јанашы јашама идеолоҝијасынын тәшвиги үчүн сәјләрин икигат артырылмасыны тәләб едир.
Гејд едәк ки, Гәрб өлкәләриндә, о ҹүмләдән Алманијада сөз азадлығы бәһанәси илә Ислама вә Пејғәмбәри-Әкрәм (с) вә Гурани-Кәрим кими ислам мүгәддәсләринә гаршы һөрмәтсизлијә иҹазә верилир вә бу өлкәләрин һөкумәти вә ганунлары анти-исламчылары, о ҹүмләдән ифрат сағчылары дәстәкләјир.
Буна ҝөрә дә, сон илләрдә Авропа өлкәләриндә исламофобија вә мүсәлманлара гаршы зоракылыг тенденсијасы артыб.
342/