Бакы Ағыр Ҹинајәтләр Мәһкәмәсиндә Бабајевин сәрбәст ифадәси динләнилиб. Онун јахынлары билдирибләр ки, Бабајев өтән ил декабрын 2-дә сәһәр Бакынын Маштаға гәсәбәсиндә сахланылыб. О, өз автомобилиндән чыхараг потча ҝедиб, гајыданда ону тутуб полисә апарыблар.
Орада онун ҹибинә үч пакет наркотик маддә гојублар. Бабајевә гаршы Ҹинајәт Мәҹәләсинин 234.4.3-ҹү маддә илә (күлли мигдарда наркотик маддә алвери) иттиһамы ирәли сүрүлүб. Ону 5 илдән 12 иләдәк һәбс ҝөзләјир.
Мүдафиә тәрәфи һесаб едир ки, Бабајевин ҝүнаһына даир сәһиһ дәлилләр јохдур.
Самир Бабајев Азәрбајҹан Сијаси Мәһбусларын Азадлығы Уғрунда Иттифаг тәрәфиндән сијаси мәһбус кими таныныб.
“Мүсәлман Бирлији” һәрәкаты диндарларын һүгугларынын позулмасына вә дини һүгугларын мәһдудлашдырылмасына ҝөрә өлкә һакимијјәтини тәнгид едән дини тәшкилатдыр.
Һәрәкатын лидери Талеһ Бағырзадә 2016-ҹы илдә конститусија гурулушуну девирмәјә чағырыш, ганунсуз силаһ сахламаг вә диҝәр иттиһамларла 20 ил мүддәтинә азадлыгдан мәһрум едилиб.
Һәрәкатын бир нечә диҝәр үзвү дә охшар маддәләрлә мүһакимә едилиб. Онларын һамысы јерли һүгуг мүдафиә тәшкилатлары тәрәфиндән сијаси мәһбус кими таныныб.
342/