Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Бәһрејнин
әл-Вәфаг Ислами Иҹмасы 2023-ҹү илин апрел ајында Бәһрејндә Али-Хәлифә режими тәрәфиндән
120-дән чох инсан һаглары позунтусунун гејдә алындығыны билдириб ки, бунлардан ән
мүһүмү 16 вәтәндашын һәбси вә 10 инсан һүгугларынын позулмасы һадисәсидир.
Һәмчинин тәһлүкәсизлик гүввәләри тәрәфиндән јашајыш массивләринә 83 һүҹум һадисәси һәјата кечирилиб вә Әбдүл Вәһаб Һүсејнин тибби тәјинатлары ләғв олундуғу үчүн сәһһәти писләшиб.
Әл-Вифаг ајлыг һесабатында Әһли Бејт (әлејһимус сәлам) мәддаһы Әбд әл-Әмир әл-Баладинин 15 ҝүн һәбсдә сахланмасы да дахил олмагла, 16 әсассыз һәбс фактыны вә Әли Муһаннар да дахил олмагла 9 вәтәндашын сәлаһијјәтлиләр тәрәфиндән ики дәфә чағырылмасы илә бағлы 10 һадисәни гејдә алыб.
Өзбашына һөкмләрә ҝәлинҹә, намәлум биринҹи инстансија мәһкәмәси тәрәфиндән вәтәндаш Һәсән Әбдүл Нәби Һәсәнә гаршы 1000 динар мәбләғиндә ҹәримә кәсилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!