10 мај 1923-ҹү илдә Нахчыван шәһәриндә анадан олан күрд әсилли Һејдәр Әлијев һәлә ҝәнҹ јашларында ССР-нин тәһлүкәсизлик органларында хидмәт едиб. Совет идеолоҝијасы тәсири алтында тәһсил алдыгдан сонра ССР тәһлүкәсизлик комитәсиндә бөлмә рәиси, әкс-кәшфијјат шөбәсинин рәиси вә сәдр мүавини вәзифәләринә тәјин едилиб. О, 1969-ҹу илдә Азәрбајҹан Коммунист Партијасы Мәркәзи Комитәсинин биринҹи катиби кими, ССРИ Али Советинин депутаты даһа сонра бу Али Советин сәдр мүавини вәзифәсиндә ишләјиб. Әлијевин бу илләрдә Азәрбајҹана хидмәт етдији иддиалар едилсә дә һеч дә белә олмадығы әксинә о, өз мәнафејини ҝүдәрәк мөвгејиндә галдығы фактлар әсасында там сүбута јетирилиб.
1990-ҹы иләдә төрәдилмиш ганлы јанвар һадисәси заманы һәлә Москвада олан Әлијев садәҹә олараг халгын ән ағрылы ҝүнүндә һадисәни төрәдәнләрин ҹәзаландырылмасынын тәләби илә кифајәтләниб. 1990-ҹы илдә Нахчывана ҝетмиш вә јалныз мүстәгилликдән сонра Азәрбајҹана ҝәләрәк өлкәдә баш вермиш һәрҹ мәрҹликләр вә јаранмыш Гарабағ ҝәрҝинлији, советин ҹајнағындан тәзәҹә чыхмыш 70 иллик әсарәтин јаратдығы дурғунлуг заманы онун өлкәдә сијаси аренада чыхышына имкан јаратмышдыр. Бүтүн бунлара бахмајараг Әлијев һәмишә өз мәнафејини халгын мәнафејиндән үстүн сахламыш өзүнүн мәкирли планларынын иҹрасына һәмишә фүрсәт ахтармышдыр. О, 1993-2003-ҹү илләр президентлији дөврүндә, өлкәдә авторитар системин һаким олмасы, гәрбин јүксәк нүфуз газанмасына шәраит јаранмасы, еләҹә дә гондарма сионист режимин Гафгаза ајаг ачмасы кими хариҹи сијаси хәттини, дахилдә исә, һәлә дә совет идеоложи коммунист системинин өлкәдә динин галмыш “көтүкләри “ үзәриндә секолар јөнүмлү бахыш јаратмыш вә Азәрбајҹан халгынын мәнәви ирсинин јад әлләрдә галмасына ҝәтириб чыхармышдыр.
Ән әсасы исә, Иран-Ираг мүһарибәсиндә азәрбајҹанлыларын гырғына верилмәси бәһанәсини ҝәтирән индики режимин иддиаларынын там әксинә олараг, Һејдәр Әлијев ПКК террор тәшкилатына там дәстәк дурмуш вә еләҹә дә ҹинајәткар Сәддамын 8 иллик Ирана гаршы апардығы мүһарибәјә әсаслы дәстәк ҝөстәрмиш вә бу режимин силаһ тәҹһизатында һәлл едиҹи рол ифа етмишдир.
Онун ҝуја азәрбајҹанын мүстәгиллијини бәрпа едән биринҹи шәхс олмасы мүддәасы исә там бир јалан олдуғу, әслиндә илк демократик республиканын гуруҹусу Мәммәд Әмин Рәсулзадәнин атдығы аддымлара көлҝә салынмасы, өлкәдә Әлијев һејкәлләринин чохалдылмасы планлары буна ән кичик мисаллардан сајыла биләр.
Һазырда Әлијевин диктатор режими санки өлкәни өз мирасы биләрәк чапыб таламасы бәс етмәмиш кими, бу диктаторлуғун 100 иллији бәһанәсилә өз хулјаларыны давам етдирмәси онун һеч дә һәдәфиндән кәнар галмадығындан бир даһа хәбәр вермәкдәдир.
342/