Түркијәдә 13-ҹү президент вә 28-ҹи парламент сечкиләринә беш ҝүндән аз вахт галыб.
Али Сечки Шурасынын сәрәнҹамына әсасән, Түркијәдә бәзи сечки гадағаларына башланылыб вә бу шура медианын ишинә, тәблиғат-тәшвигат тәдбирләринә ҹидди нәзарәт едир.
Түркијә президент сечкиләриндә иштирак едәҹәк 4 намизәд арасында әсас рәгабәтин Рәҹәб Тәјјиб Әрдоғанла Камал Кылычдароғлу арасында олдуғу ајлардыр мәлумдур. Бу вәзијјәтдә мүхтәлиф сәвијјәләрдәки сечки намизәдләри иттиһамлар ирәли сүрәрәк ҹәмијјәтин боз һиссәсини вә ја Түркијә ҹәмијјәтинин сечкидә иштирак етмәк истәмәјән вә ја әсас намизәдини сечиб мүәјјән етмәјән кәсимини өзләринә тәрәф чәкмәјә чалышырлар.
Бунунла әлагәдар олараг Әрдоған Милләт Иттифагынын намизәди Камал Кылычдароғлунун Гәрблә әлагәси олдуғуну иддиа едиб.
Хатырладаг ки, Түркијә Ҹүмһуријјәти гурулдугдан сонра, хүсусән дә Икинҹи Дүнја Мүһарибәсиндән сонра Анкаранын сијасәти һәмишә Гәрбә үстүнлүк вермәк вә НАТО һәрби тәшкилатына табе олмаг үзәриндә гурулуб.
Алты мүхалифәт партијасындан ибарәт Милләт Иттифагынын намизәди Камал Кылычдароғлу бу јахынларда Британија һөкумәтинә бағлы хәбәр каналы олан ББҸ-јә мүсаһибәсиндә Русија илә мүнасибәтдәнсә, Анкаранын Вашингтонла мүнасибәтинә үстүнлүк вермәли олдуғуну билдириб.
О, чыхышынын диҝәр һиссәсиндә Әрдоғаны диктатор вә Түркијәнин Авропа Бирлијинә дахил олмасынын әлејһдары кими тәгдим едиб.
Үмумијјәтлә, демәк лазымдыр: Түркијәдә 13-ҹү президент сечкиләриндә намизәдләрин рәгабәти сағлам рәгабәтдән бир гәдәр узагдыр вә әкс иттиһамлар чәрчивәсиндә һәр ики дүшәрҝә бир-бирини һансыса хариҹи дөвләтин әсас намизәди кими тәгдим едир.
Әслиндә, Гәрб һөкумәтләри Әрдоғанын Түркијә сијасәтиндән узаглашмасына нә гәдәр сәрмајә гојубса, Русија да Камал Кылычдароғлунун Түркијәдә Гәрб сијасәтини дәстәкләјән сијасәтчи кими сечилмәсинин әлејһинәдир.
342/