"Планетдәки инсанларын бөјүк әксәријјәти кими биз дә сүлһ, азадлыг вә сабитлик ҝәләҹәјини ҝөрмәк истәјирик", - дејә Путин Гәләбә Парадында билдириб.
О гејд едиб ки, “һәр һансы бир үстүнлүк идеолоҝијасы маһијјәтҹә ијрәнҹ, ҹинајәткар вә өлүмҹүлдүр”.
Русија Федерасијасынын Президенти Украјна мүһарибәси илә бағлы әввәлки мөвгејини јенидән тәкрар едиб:
"Русијаја гаршы јенидән мүһарибә башлады, лакин өлкә бејнәлхалг терроризми дәф едиб, Донбас сакинләрини горујаҹаг вә өз тәһлүкәсизлијини тәмин едәҹәк", - дејә Путин билдириб.
Русија лидери ону да гејд едиб ки, Русија үчүн “нә Гәрбдә, нә дә Шәргдә” гејри-дост вә дүшмән халглар јохдур. О, бәјан едиб ки, бир сыра өлкәләр истәнилән суверен инкишаф мәркәзләрини боғмаг истәјирләр:
“Онларын мәгсәди вә бурада јени һеч нә јохдур, өлкәмизин парчаланмасына вә мәһвинә наил олмаг, Икинҹи Дүнја Мүһарибәсинин нәтиҹәләринин үстүндән хәтт чәкмәк, нәһајәт, глобал тәһлүкәсизлик вә бејнәлхалг һүгуг системини сындырмаг, истәнилән суверен инкишаф мәркәзләрини боғмагдыр",- Путин белә дејиб.
Русија Федерасијасынын Президенти гејд едиб ки, үмуми тәһлүкә илләриндә һәмрәјлик вә тәрәфдашлыг тәҹрүбәси әвәзсиз мирас вә даһа әдаләтли, чохгүтблү дүнјаја доғру һәрәкатын ҝүҹләндији бир вахтда ҝүҹлү дәстәкдир.
Хатырладаг ки,бу ҝүн Москванын Гызыл Мејданында 1941-1945-ҹи илләр икинҹи дүнја мүһарибәсинә Гәләбәнин 78-ҹи илдөнүмү мүнасибәти илә һәрби парад кечирилиб.
Мәрасимдә Русија Федерасијасынын Президенти Владимир Путин вә бу өлкәнин сијаси вә һәрби рәһбәрләриндән әлавә Беларус, Гырғызыстан, Таҹикистан, Өзбәкистан, Түркмәнистан, Ермәнистан вә Газахыстан лидерләри дә иштирак едибләр.
342/