Исраилин хариҹи ишләр назири Ели Коһенин Бакыја сон сәфәринин ардынҹа Азәрбајҹанын јәһуди иҹмасы Коһенин Иранын шимал-гәрбиндә ҝуја “азәри азлығына гаршы зүлмүн дајандырылмасы” үчүн Теһрана тәзјиг ҝөстәрмәсини хаһиш едиб вә онларын бу истәјини Азәрбајҹандакы тајфа режими дә дәстәкләјиб. Сонра исә бунун үчүн ссенари һазырланараг Исраил парламентинин үзвләринә мүвафиг тапшырыг верилиб. Һәмин тапшырыг әсасында Исраил режиминин бир груп депутаты Ели Коһенә мәктуб үнванлајараг, Иранын шимал-гәрбинин парчаланмасы тезисини ирәли сүрүб.
Рәсми мүраҹиәтә 32 депутат јәни Кнессетин бүтүн үзвләринин дөрддә бири имза атыб.
Мәктубда вурғуланыр ки, “Ҝүнеј Азәрбајҹанын мүстәгил һөкумәти гуруларса, Исраилин Азәрбајҹан Республикасынын јанында бөлҝәдә даһа бир мүттәфиги олаҹаг”.
Мәктубунун дәрҹиндән сонра террорчу Исраил режиминин информасија назири Ҝила Гамлиел јаранмыш рүсвајчылығы пәрдәләмәк үчүн һәрәкәтә кечәрәк өз “Тwиттер” сәһифәсиндә јазыб ки, о, парламент үзвләринин әксәријјәтини бу мәктубдан ҝери чәкилмәјә инандырыб вә артыг 25 нәфәр мәктубдан имзаларыны ҝери ҝөтүрүб.
Бу скандалда Бакынын нә дәрәҹәдә рол ојнамасы да әлбәттә ки, дүшүндүрүҹү мәсәләдир вә һакимијјәт сионистләрлә пәрдәархасында мөвҹуд олан сијаси базарлыға ајдынлыг ҝәтирмәлидир.
Јери ҝәлмишкән билдирәк ки, Илһам Әлијев өтән ил нојабрын 25-дә АДА Университетиндә кечирилән бејнәлхалг конфрансын ачылышындакы чыхышында демишди: “Биз һәјат тәрзимизин, Азәрбајҹанын дүнјәви инкишаф векторунун вә азәрбајҹанлыларын, о ҹүмләдән Иранда јашајан азәрбајҹанлыларын мүдафиәси үчүн әлимиздән ҝәләни едәҹәјик. Онлар халгымызын бир һиссәсидир”.
Бу контекстдә сионист депутатларын ојунбазлыгларында Бакынын нә дәрәҹәдә рол ојнадығы һәр кәси дүшүндүрә биләр.
Мәсәләнин илҝинҹ тәрәфи ондан ибарәтдир ки, Бакыдакы режимин медиасы өтән ҝүнләрдә Кнессет үзвләринин сепаратчы һәрәкәтини кор-коранә алгышлајыб. Һәм дә бу пис әмәл пантүркист даирәләри севиндирди. Һазырда исә сионист һакимијјәт органларынын Иран халгынын гырмызы хәттинә тохунмасындан хәҹаләт чәкмәләриндән сонра пантүркист сималар вә даирәләр өзләрини әввәлкиндән даһа чох пис һисс едирләр.
342/