Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Ҝүрҹүстанын
Марнеоли шәһәринин Имам Ҹүмәси ҹәнаб Һаҹы Һаҹыјев “АБНА Хәбәр Аҝентлији” илә гыса
ексклүзив сөһбәтиндә билдириб:
““Марнеоли” Ҝүрҹүстанын Комо Картли әјаләтиндә шәһәрдир ки, бу шәһәрин әһалисинин 83%-дән чоху Ҝүрҹүстан азәрбајҹанлыларыдыр, онларын әксәријјәти шиәдир. Марнеоли Тбилисидән 35 км аралыда јерләшир вә Ҝүрҹүстанда шиәләрин пајтахты адланыр.”
О, дини тәлимләрин кејфијјәт вә кәмијјәт ҹәһәтдән тәкмилләшдирилмәси үчүн шиә вә мүсәлман университет вә орта мәктәб ҝәнҹләринә диггәт јетирмәји зәрури һесаб едиб.
Ҹәнаб Һаҹы Һаҹыјев Марнеоли шәһәринин мәдәни вә дини шәхсијјәтләринин фәалијјәтинә тәшәккүр вә тәгдир едәрәк әлавә едиб:
“Ҝүрҹүстанда дини гурумлар вә дин хадимләри тәрәфиндән һәјата кечирилән бүтүн мәгбул фәалијјәтләрлә јанашы бу шиә бөлҝәсиндә мөвҹуд имканлара диггәт јетирмәк вә ҹәмијјәтин, хүсусилә дә ҝәнҹләрин дүзҝүн дини маарифләндирилмәси үчүн онлардан сәмәрәли истифадә етмәк зәруридир.”
Тәхминән 400.000 нәфәр әһалиси олан Ҝүрҹүстан мүсәлманлары бу православ христиан өлкәсиндә ән бөјүк дини азлығы тәшкил едир. Белә ки, бу әһалинин тәхминән 20%-ни әһатә едир.
Мүсәлман әһалисини әсасән азәриләр тәшкил едир, онларын тәхминән јарысы, јәни Ҝүрҹүстан әһалисинин 10%-и Пак вә Мәсум Әһли-бејт (әлејһимус сәлам) дининә вә Он Ики Имам шиәлијинә етигад едирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!