Инҝилтәрә кралы- Крал үчүнҹү Чарлзын таҹгојма мәрасими астанасында бу ҝүн полис тәрәфинән ҝүҹлү тәһлүкәсизлик тәдбирләри ҝөрүлүб вә он миндән чох полис мәмурунун јерләшдирилмәсилә кәскин тәһлүкәсизлик атмосфери пајтахт Лондона һаким кәсилиб.
Белә бир ағыр тәһлүкәсизлик атмосферинә рәғмән, дүнән ахшамчағы сөзүҝедән һадисәнин баш вермәси, Лондон сакинләри арасында горху вә дәһшәт һиссинин јајылмасына сәбәб олуб.
Јерли вахтла ҹүмә ҝүнүнүн гүруб чағында Инҝилтәрә пајтахтынын шималына доғру һәрәкәт етмәкдә олан Лондон метросу гатары «Ҹлапһам Ҹоммон» стансијасында дајаныб. Мүшаһидәчиләрин сөзләринә ҝөрә, гапыларын ачылмамасы, тәлаш кечирән сәрнишинләрин гатардан чыхмаг үчүн вагонларын шүшәләрини сындырмаларына сәбәб олуб. Лакин ушаглар, јашлылар вә әлил шәхсләр горху ичиндә фәрјад едиб, јардым
диләјирмишләр.
Һәлә һадисәнин сәбәби вә һадисәдә јаралананларын сајы елан олунмајыб. Амма бәзи мәлуматлар, вагонларын вентилјасија системиндә проблемин јаранмасындан сөз ачыр.
Лондон јанғынсөндүрмә тәшкилатынын сөзчүсү билдириб ки, јардым вә јанғынсөндүрмә гүввәләри һадисә јеринә ҝәлмәздән өнҹә тәхминән беш јүз нәфәр метро гатарыны тәрк етмишди.
Бу гәза һадисәси Лондон метрополитени гатарларынын шимал истигамәтиндәки һәрәкәтиндә кәскин позунтунун јаранмасына сәбәб олуб.
Һадисәнин Инҝилтәрә кралы- Крал үчүнҹү Чарлзын таҹгојма мәрасими әрәфәсиндә баш вермәси, ниҝаранчылыглары артырмышды.
Минләрлә Инҝилтәрә вәтәндашынын вә туристин кралын һәрәкәт едәҹәји истигамәтдә олаҹағы прогноз едилир. Ејни заманда диҝәр өлкәләрин мәсул шәхсләриндән тәхминән јүз нәфәр дә дахил олмагла ики мин үч јүзә јахын гонаг, таҹгојма мәрасиминә дәвәт едилиб.
342/