Тибб баҹылары маашла бағлы базар ҝүнүдән етибарән 28 саатлыг тәтилә чыхыблар. Тәтил базар ертәси ҝеҹә јарысындан әввәл баша чатаҹаг.
Инҝилтәрәнин сәһијјә назири бу тәтил аксијасына реаксијада дејиб: "Бу тәтилләр Инҝилтәрәнин милли сәһијјә хидмәтинә даһа чох тәзјиг ҝөстәрәҹәк вә хәстәләр үчүн инанылмаз дәрәҹәдә позуҹу олаҹаг".
Инҝилтәрәдә етиразчы тибб ишчиләри мөвҹуд јашајыш бөһранларыны идарә едә билмәк үчүн тәкҹә маашларынын артырылмасыны тәләб етмирләр, һәм дә кадр чатышмазлығыны һәлл етмәк мәгсәди илә тибб баҹысы секторунда даһа чох ишчинин ишә ҝөтүрүлмәсини тәләб едирләр.
Крал Тибб Баҹысы Коллеҹи Лондон һөкумәтинин 2023-2024-ҹү илләр үчүн 5 фаизлик мааш артымы вә өтән ил үчүн ән азы 1,655 фунт стерлинг бирдәфәлик өдәмә тәклифини рәдд едиб вә бунун кифајәт етмәдијини сөјләјиб.
Инҝилтәрәдә тибб ишчиләри ҹари милад илинин 18-19 јанвар вә 6-7 феврал тарихләриндә дә тәтил етмишдиләр.
342/