СәһәрАзәри-нин мәлуматына әсасән, Инҝилтәрәнин јени кралы вә кралича тахтынын вариси Чарлзын таҹгојма мәрасиминә ҝениш һазырлыг ҝетдији бир вахтда бу өлкәдә ајлар әввәл вә Инҝилтәрә кралынын сәфәрләри заманы үзә чыхан монархија системинә гаршы мүхалифәт дә ән јүксәк сәвијјәјә галхыб. Ҝуардиан гәзети бу һагда јазыб: "Монархијаја гаршы оланлар бу системи динҹ шәкилдә девирмәк нијјәтиндәдирләр".
Инҝилтәрәдә краллыг системи әлејһдарлары дејирләр ки, Инҝилтәрә кралына јумурта атмаг, онун мүхтәлиф сәфәрләрдә олмасына етираз етмәк бу аиләјә гаршы мүхалифәтин ҝетдикҹә артдығыны ҝөстәрир, чүнки онун анасы Кралича икинҹи Елизабетә гаршы белә бир мүхалифәт ҝөрүнмәјиб. Һәмчинин бу өлкәдә хүсусилә ҝәнҹләр арасында монархијаја дәстәк азалыб вә 18-24 јашлы ҝәнҹләрин тәхминән 40%-и монархијанын әлејһинәдир.
Инҝилтәрәдәки республикачылар инди крал аиләсинин тәхминән 16 милјард фунт-стерлинг сәрвәтини вә гулдарлыгдан вә гул тиҹарәтиндән әлдә етдији бөјүк мираслары дәрҹ етмәклә иҹтимаијјәти бу системин вәзијјәтиндән хәбәрдар етмәјә чалышырлар. ЈоуҜов-ун апардығы сон сорғусунун нәтиҹәләринә ҝөрә, британијалыларын јалныз 32%-и Инҝилтәрә кралынын таҹгојма мәрасиминин хәрҹләринин верҝи өдәјиҹиләри тәрәфиндән өдәнилмәси илә разыдыр.
Инҝилтәрәдәки краллыг системинин әлејһдарлары мај ајында Крал Чарлзын таҹгојма мәрасими илә ејни вахтда Лондонда вә Инҝилтәрәнин бир сыра диҝәр шәһәрләриндә краллыг әлејһинә нүмајишләр кечирәҹәкләрини ачыглајыблар.
342/