СәһәрАзәри-нин мәлуматына әсасән, сионистләр илләрдир өз експансионист мәгсәдләринә чатмаг үчүн һәр ҝүн Фәләстинин мүхтәлиф бөлҝәләринә һүҹум едир вә фәләстинлиләри шәһид едирләр, јаралајырлар вә ја һәбс едирләр.
Фәләстин мәнбәләринин билдиридијинә ҝөрә, Фәләстинин Сәһијјә Назирлији билдириб ки, ишғалчы сионист режим һәрбчиләри бу ҝүн Бејтләһм әјаләтинин Бејтҹала Дөвләт Хәстәханасына һүҹум едибләр, хәстәханаја ҝөзјашардыҹы газ атыблар, нәтиҹәдә чохлу сајда хәстә вә онлары мүшајиәт едән јахынлары боғулмаг һалына ҝәлиб.
Фәләстин Сәһијјә Назирлији бир бәјанат јајараг, сионист режимин бу ҹинајәткар һүҹумуну гәтијјәтлә писләјиб.
Бу арада, бир сыра сионист мүһаҹирләр бу сәһәр ҹидди тәһлүкәсизлик тәдбирләри алтында јенидән Мәсҹидүл-Әгсаја һүҹум едибләр.
Мәсҹидүл-Әгса бу јахынларда сионист режим һәрбчиләринин дәстәји илә бу мәсҹидә күтләви шәкилдә дахил олан сионист мүһаҹирләрин һүҹумунун шаһиди олуб. Сионистләр Мәсҹидүл-Әгсаја һүҹумларыны вә тәҹавүзләрини ҝүҹләндирмәклә, бу мәсҹиди заман вә мәкан бахымындан бөлмәк үчүн зәмин јаратмаға чалышырлар.
342/