Дејиләнләрә ҝөрә,Вашингтон јахынлығындакы Дөвләт Департаментинин Тәлим Мәркәзиндә кечирилән данышыглар дөрд ҝүн чәкәчәк.
Назирләр илк дәфәдир ки, бир нечә ҝүнлүк диалог үчүн бир араја ҝәлибләр. АБШ Дөвләт катиби Ентони Блинкенин дүнән сәһәр онларла ајры-ајрылыгда, еләҹә дә үчтәрәфли форматда ҝөрүшләри олуб.
АБШ Дөвләт Департаментинин јүксәк рүтбәли рәсмиләри билдирибләр ки, Ҹејһун Бајрамовла Арарат Мирзојанын дүнәнки ҝөрүшү “чох конструктив” олуб.
Туран Дөвләт Департаментинин сөзчүсүнә истинадла билдирир ки, Американын мәгсәди данышыглар үчүн платформа тәгдим етмәкдир.
АБШ-ын рәһбәрлик етдији диалога Русијанын мөвгеји илә бағлы Туран-ын суалына ҹаваб олараг, Дөвләт Департаментинин диҝәр рәсмиси дејиб ки, руслар “буну мәнфи гәбул етсәләр, мәјус оларыг”.
Туранын мәлуматына ҝөрә, АБШ дөвләт департаментинин рәсмиләри Ермәнистанла Азәрбајҹан Республикасы арасындакы проблемләр барәдә Минск групунун фәалијјәти дөрүндә олдуғу кими Вашингтонун мөвгејинин Русија илә үст-үстә дүшдүјүнә ејһам вурублар. онларын дедијинә ҝөрә, ән ваҹиби тәрәфләрин һарада баш вермәсиндән асылы олмајараг - Вашингтонда, Брүсселдә вә ја Москвада бир-бири илә әлагә гура билмәсидир.
342/