Әһли-Бејт (әлејһимус сәлам) – Хәбәр Аҝентлији АБНА-нын вердији
мәлумата әсасән, Ирана гаршы мүддәтсиз санксијаларын тәтбиги илә бағлы АБШ Конгресиндә
ганун дәјишиклији илә бағлы тәшәббүс ирәли сүрүлүб.
Бу барәдә Конгресин Нүмајәндәләр Палатасынын Хариҹи Әлагәләр Комитәсинин сәдри, тәшәббүсүн мүәллифи Мајкл Маккалын мәтбуат хидмәти мәлумат вериб.
АБШ Президентинә Иран игтисадијјатына гаршы сәрт санксијалар тәтбиг етмәјә иҹазә верән ганунун мүддәтсиз олмасы илә бағлы һәм Демократ, һәм дә Республикачылар партијаларындан олан америкалы сијасәтчиләр Конгресин һәр ики палатасында тәшәббүс ирәли сүрүбләр.
Гејд олунуб ки, Ирана гаршы санксијалары сәртләшдирмәк, игтисадијјатын бир чох саһәләрини әһатә едән санксијалар тәтбиг етмәкдә мәгсәд бу өлкәнин енержи сектору илә јанашы диҝәр саһәләринә дә зәрбә вурмагдыр вә бунун үчүн АБШ президентинин сәлаһијјәтләрини даһа да артырмаг лазымдыр.
Хатырладаг ки, әввәлләр дә бу тәшәббүс ирәли сүрүлмәсинә бахмајараг, Конгресин һәр ики палатасы тәрәфиндән гәбул едилмәјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!