Әһли-Бејт (әлејһимус сәлам)
– Хәбәр Аҝентлији АБНА: Һазырда Ҝүнәшин сәтһиндә 6 ләкә групу вә 105 ләкә вар. Таҹ
дәлији мүшаһидә едилир.
Бу барәдә Елм вә Тәһсил Назирлијинин Н.Туси адына Шамахы Астрофизика Рәсәдханасынын космик һава дуруму илә бағлы јајдығы мәлуматда билдирилиб.
Гејд едилиб ки, һесабат дөврүндә Ҝүнәш күләјинин максимал сүрәти 740 км/с гејдә алыныб. Һазырда исә бир гәдәр зәифләјәрәк 532.9 км/с тәшкил едир. Планетләрарасы магнит саһәсинин гијмәти исә зәифләјиб. Јер орбитиндә планетләрарасы магнит саһәсинин гијмәти 3.5 нТ, радиал истигамәтдә исә 1.25 нТ тәшкил едир. Космик һава сакитдир.
Мајын 1-дән 7-дәк C синиф алышманын башвермә еһтималы 99 фаиз, М (Р1-Р2) синиф алышманын башвермә еһтималы 40 фаиз, Х (Р3) синиф исә 5 фаиз тәшкил едир.
2 МеВ-дән чох енержили електрон селинин јүксәк сәвијјәјә галхаҹағы, енержиси 10 МеВ-дән чох олан протон селинин исә прогноз дөврүндә фон сәвијјәсиндә олаҹағы еһтимал едилир. С1 вә даһа јүксәк сәвијјәли радиасија гасырғасынын башвермә еһтималы 5 фаиз тәшкил едир.
Ҝүнәш күләјинин сүрәтинин бир нечә мәнфи гүтблү CH HSS (Coronal Hole High Speed Streams - Таҹ дәликләриндән чыхан јүксәк сүрәтли зәррәҹикләр селинин) тәсири илә сүрәтини сахлајаҹағы, апрелин 29-да баш вермиш CME-нин тәсири илә јенидән артаҹағы ҝөзләнилир.
Апрелин 21-дә баш вермиш CME-нин тәсири давам етдијиндән һазырда Кп индекси 2 олса белә, G1 (зәиф) сәвијјәли гасырға ола биләр, ардынҹа исә мәнфи гүтблү CH HSS вә дүнән баш вермиш CME-нин тәсири илә гејри-стабил космик һава шәраити прогнозлашдырылыр.
Мәнфи гүтблү CH HSS-нин давамлы тәсири сәбәбиндән ҝеомагнит саһәсинин актив олаҹағы ҝөзләнилир.
Диггәт: Хәбәрдән Истифадә Етдикдә Мәнбәјә Истинад Лазымдыр!