Әһли-Бејт (әлејһимус сәлам) – Хәбәр Аҝентлији АБНА-нын вердији
мәлумата әсасән, бу ҝүн Бакыда Аудиовизуал Шуранын онлајн форматда нөвбәти иҹласы
кечирилиб.
Шурадан АПА-ја верилән хәбәрә ҝөрә, иҹласда "Игтисадијјат Назирлији јанында Антиинһисар вә Истеһлак Базарына Нәзарәт Дөвләт Хидмәтинин вә Азәрбајҹан Республикасы Аудиовизуал Шурасынын бирҝә фәалијјәтинә даир 2024-ҹү иләдәк Тәдбирләр Планы"на ујғун олараг һәр ики орган тәрәфиндән реклам јајымлары илә бағлы һәјата кечирилән мониторингләрин нәтиҹәләри мүзакирә олунуб.
Антиинһисар вә Истеһлак Базарына Нәзарәт Дөвләт Хидмәти тәрәфиндән Азәрбајҹан Республикасы Аудиовизуал Шурасына үнванланмыш мүраҹиәтләрә әсасән һәјата кечирилмиш аудиовизуал програмларынын мониторинги нәтиҹәсиндә бир сыра телевизија редаксијаларынын ефириндә "Реклам һаггында" Азәрбајҹан Республикасынын Ганунунун 29.5-ҹи маддәсинин тәләбинин (һамиләлијин сүни јолла позулмасы вә сүни мајаланма үзрә тибби хидмәтин рекламы гадағандыр) позулмасы факты гејдә алыныб. Белә ки, 25 апрел, 26 апрел вә 27 апрел 2023-ҹү ил тарихләриндә "Хәзәр ТВ", 28 март, 04 апрел вә 26 апрел 2023-ҹү ил тарихләриндә "АТВ", 28 март 2023-ҹү ил тарихиндә "АРБ", 10 март 2023-ҹү ил тарихиндә "Дүнја ТВ" телевизија редаксијаларынын ефириндә сүни мајаланма үзрә тибби хидмәтин рекламына јол верилмәси һаллары ашкарланыб.
Апарылан мүзакирәләрдән сонра Азәрбајҹан Республикасы Аудиовизуал Шурасы "Хәзәр ТВ" ММҸ-јә, "Азад Азәрбајҹан" Мүстәгил Теле-радио Компанијасына, "АРБ 24" ММҸ-јә, "Дүнја" Мүстәгил Телевизија вә Радио Ширкәти Редаксијасына бир даһа белә һалын тәкрарланаҹағы тәгдирдә ҹидди инзибати санксија тәтбиг едиләҹәји илә бағлы хәбәрдарлыг едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!