Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Једдилик Групу
(Ҝ7) өлкәләри сүни интеллектин тәтбигләринин артмасы фонунда бу ҹүр технолоҝијалардан
мәсулијјәтли истифадә үчүн беш принсип үзәриндә разылыға ҝәлибләр.
Бу барәдә базар ҝүнү јајылан Ҝ7-нин рәгәмсал вә технолоҝија департаментләри рәһбәрләринин Јапонијанын Такасаки шәһәриндә кечирилән ҝөрүшүнүн јекунлары үзрә гәбул едилмиш фәалијјәт планында дејилир.
Сәнәддә ҝөстәрилән мәгамлар ашағыдакылардыр:
Ганунун алилији, гануни проседурлара әмәл олунмасы, инновасија имканларындан истифадә, демократија вә инсан һүгугларына һөрмәт.
“Биз демократик дәјәрләрә хәләл ҝәтирән, азад сөзү боған вә инсан һагларыны тәһдид едән сүни интеллектдән суи-истифадәјә гаршыјыг”, - назирләрин бәјанатында дејилир.
Иҹласын ҝүндәлијинә сүни интеллектдән истифадә илә бағлы мәсәләләрин дахил едилмәси гәрары онлара әсасланан бу ҹүр технолоҝија вә хидмәтләрин, мәсәлән, ҸһатҜПТ чат ботунун популјарлығынын артмасы илә бағлыдыр.
Бунунла әлагәдар олараг, Ҝ7 өлкәләри гәрәз вә дезинформасијанын, мүәллиф һүгугларынын позулмасынын вә сүни интеллектин диҝәр зәрәрли истифадәләринин јајылмасынын гаршысыны алмаг јолларыны арашдырыр.
Диггәт: Хәбәрдән Истифадә Етдикдә Мәнбәјә Истинад Лазымдыр!