Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Украјна әкс-һүҹум әмәлијјатыны вахтында һәјата кечирмәк үчүн Гәрб силаһларыны алаҹаг.
Бу барәдә НАТО-нун Авропадакы Мүттәфиг Силаһлы Гүввәләринин Али Баш Команданы, америкалы ҝенерал Кристофер Каволи билдириб.
АБШ Конгресинин Нүмајәндәләр Палатасынын Силаһлы Гүввәләр Комитәсиндә кечирилән динләмәләрдә чыхыш едән ҝенерал Кијевин “һүҹум әмәлијјатыны һәјата кечирмәк үчүн лазым олан бүтүн силаһлары вахтында алаҹагмы” суалына мүсбәт ҹаваб вериб.
"Бәли. Биз украјналы һәмкарларымызла бу һүҹум үчүн онлара нә гәдәр материал лазым олаҹағы барәдә данышмышыг. Мән там әминәм ки, биз онлара лазым олан материалы чатдырмышыг вә онларын әмәлијјатларыны дәстәкләмәк үчүн чатдырмаға давам едәҹәјик", - Каволи билдириб.
Ҝенерал ону да билдириб ки, вәд едилмиш һәрби техниканын 98%-дән чоху артыг Кијевә чатдырылыб.
Диггәт: Хәбәрдән Истифадә Етдикдә Мәнбәјә Истинад Лазымдыр!