Назирлијин бәјанатында билдирилир ки, 23 апрел 2023-ҹү ил тарихиндә Азәрбајҹан һакимијјәти 9 нојабр 2020-ҹи ил тарихли үчтәрәфли бәјанатын 6-ҹы мүддәасыны кобуд шәкилдә позараг, Русија сүлһмәрамлы континҝентинин ҹавабдеһ олдуғу әразидә нәзарәт-бурахылыш мәнтәгәсинин гурулмасы үчүн тәдбирләр ҝөрәрәк артыг Лачын дәһлизини рәсмән бағламышдыр.
Бәјанатда бу аддымын Дағлыг Гарабағда етник тәмизләмә вә ермәниләрин Гарабағдан тамамилә чыхарылмасы мәгсәдини ҝүддүјү гејд олунур вә дејилир: “2022-ҹи ил декабрын 12-дән башлајараг Лачын дәһлизинин гондарма еколожи бәһанәләрлә давамлы олараг ганунсуз блокадаја алынмасы, бу ҝүн сахта вә әсассыз бәһанәләрлә нәзарәт-бурахылыш мәнтәгәсинин гурулмасы бу планлашдырылмыш сијасәтин ардыҹыл һәјата кечирилмәсинин давамыдыр.”
О да вурғуланыр ки, бу аксија бејнәлхалг иҹтимаијјәтин бирмәналы бәјанатларына вә хүсусилә Бејнәлхалг Әдаләт Мәһкәмәсинин 22 феврал 2023-ҹү ил тарихли һүгуги гүввәјә малик гәрарына гаршы һәјата кечирилир.
Бәјанатын сонунда Русија Федерасијасы Лачын дәһлизинин блокадасыны арадан галдырмаг вә Азәрбајҹан гүввәләринин дәһлизин бүтүн тәһлүкәсизлик зонасындан чыхарылмасыны тәмин етмәјә чағырылыб.
342/