Ислам Ингилабынын Алимәгамлы Рәһбәринин офисинин билдирдијинә ҝөрә, дүнән шәнбә ҝүнү Шәввал ајынын бири вә мүбарәк Фитр бајрамы иди.
"ФАРС" хәбәр аҝентлијинин мәлуматына ҝөрә, Ермәнистан баш назири Никол Пашинјан Ислам Ингилабынын Алимәгамлы Рәһбәри Һәзрәт Ајәтуллаһүл-үзма Хаменеијә вә Иран Ислам Республикасынын президенти Сејид Ибраһим Рәисијә Ислами Фитр бајрамы мүнасибәтилә тәбрик мәктубу ҝөндәриб.
Баш назирин Ислам Ингилабынын Алимәгамлы Рәһбәринә үнванладығы месажда белә дејилир: "Зати-алиләри, өзүнү тәрбијә етмәк вә оруҹ тутманын рәмзи олан Фитр бајрамы мүнасибәтилә Һәзрәтинизә вә дост Иран Ислам Республикасынын халгына сәмими тәбрикләрими чатдырырам. Ермәнистан Республикасы һөкумәти вә ермәни халгы минилликләр тарихи олан исти Ермәнистан-Иран мүнасибәтләрини јүксәк гијмәтләндирир. Һансы ки, халгларымызын рифаһы вә реҝионал сабитлик наминә јахын ҝәләҹәкдә јени үфүгләри фәтһ едәҹәкдир".
Никол Пашинјанын Иран президентинә үнванладығы месажда исә белә дејилир: "Сизи Исламын мүгәддәс Рамазан бајрамы мүнасибәтилә үрәкдән тәбрик едирәм. Үмидварам ки, сијаси ирадә вә сабит тәрәфдашлыг сајәсиндә биз өлкәләримиз арасында ермәни вә Иран халгларынын рифаһы вә реҝионал тәһлүкәсизлик наминә әмәкдашлығын ҝенишләнмәсинин шаһиди олаҹағыг.
Фүрсәтдән истифадә едәрәк, Сизә јени наилијјәтләр вә дост Иран Ислам Республикасынын халгына даими сүлһ арзулајырам".
342/