Русија Хариҹи Ишләр Назирлијинин сөзчүсү Марија Захарова билдириб ки, Москва, Берлинин Русијанын Алманијадакы дипломатик нүмајәндәликләринин әмәкдашларыны күтләви шәкилдә говмасына гаршылыглы ҹаваб олараг, 20-дән чох алман дипломатыны өлкәдән чыхармаг гәрарына ҝәлиб.
Русија Хариҹи Ишләр Назирлијинин бәјанатында дејилир: "Биз Берлинин Русија-Алманија мүнасибәтләринин бүтүн спектрләрини ачыг шәкилдә мәһв етмәјә давам едән бу һәрәкәтләрини гәтијјәтлә писләјирик".
Украјнада мүһарибә башлајандан Москва илә Берлин арасында ҝәрҝинлик артыб.Өтән илин апрелиндә Алманија һөкумәти 40-а јахын русијалы дипломаты арзуолунмаз шәхс елан едәрәк, өлкәдән чыхарыб. Бу рәгәм Алманијанын Русијадакы дипломатик тәшкилатлары әмәкдашларынын үчдә биринә бәрабәр иди.
Русијанын бу һәрәкәти, өз нөвбәсиндә, 2022-ҹи ил апрелин әввәлиндә Алманија һакимијјәтинин "арзуолунмаз шәхсләр" адландырдығы вә бу өлкәдә "ҹасуслуг"да иттиһам етдији Русијанын Берлиндәки сәфирлијинин 40 әмәкдашынын өлкәдән чыхарылмасына ҹаваб иди.
342/