Һәрәкатын мәтбуат катиблијиндән верилән мәлумата ҝөрә “МБҺ үзвү Мөһүббәт Асланов Ҹинајәт Мәҹәлләсинин сатыш мәгсәдилә күлли мигдарда наркотик маддә әлдә етмә, дашыма, сахлама маддәси илә шүбһәли шәхс гисминдә сахланылыб.
Билдирилир ки, апрелин 12-дә сахланылан инанҹлы һал-һазырда Күрдәханы Мүвәггәти Сахлама Тәҹридханасындадыр.
Хатырладаг ки, Азәрбајҹанда дини инанҹлыларын күтләви һәбси јанвар ајындан – Азәрбајҹанын Ирандакы сәфирлијинә силаһлы һүҹумдан сонра башламышдыр.
Һәбсләрин икинҹи далғасы март ајынын биринҹи јарысында мүшаһидә олунду. О заман үч ҝүн әрзиндә өлкәдә 30-дан артыг инанҹлы наркотик иттиһамыјла һәбс едилди.
Инанҹлылара гаршы күтләви һәбсләрин сонунҹу далғасы исә депутат Фазил Мустафаја гаршы мартын 28-дә баш вермиш силаһлы һүҹумдан сонра башлајыб.
“Мүдафиә Хәтти” инсан һаглары тәшкилатынын иҹрачы директору Рүфәт Сәфәров Мејдан ТВ-јә билдириб ки, Азәрбајҹанда инанҹлыларын күтләви һәбсинин Иранла мүнасибәтләрин кәскинләшмәси фонунда һәјата кечирилмәси ачыг-ашкар ҝөрүнүр. Һүгуг мүдафиәчисинин сөзләринә ҝөрә, фактики бир дөвләт башга бир дөвләтлә пис мүнасибәтләринә ҝөрә өз вәтәндашына зүлм еләјир ки, бу да јолверилмәздир.
342/