Арајик Арутјунјан дејиб: “Дөвләтә гајғы илә јанашмаг лазымдыр. Һәр бир дүшүнҹәсиз аддым бизи ҝеридә гоја, тәрәгги јолундан ҝери чәкә биләр.
Хатырладаг ки, Ермәнистанда кечирилән ағыр атлетика үзрә Авропа чемпионатынын ачылыш мәрасиминдә ермәни бир ҝәнҹ бајрагдарын әлиндән Азәрбајҹан бајрағыны алыб вә јандырыб.
Ермәнистан парламентинин депутаты, һаким “Мүлки Мүгавилә” Партијасынын үзвү Һовик Ағазарјан исә “Фаҹебок” сәһифәсиндә һадисәни писләјиб.
Депутат бу барәдә јазыб: “Бејнәлхалг сивил иҹтимаијјәтдән үзр истәјирәм ки, бир вәтәндаш вә депутат кими халгымдакы вәһши тајфаларын спесифик тәзаһүрләрини тамамилә арадан галдырмаг үчүн әлимдән ҝәләни етмәмишәм. Ајыб олсун!”.
Бу арада Ермәнистанын Тәһсил, Елм, Мәдәнијјәт вә Идман Назирлији Азәрбајҹан идманчыларынын јарышда иштиракларыны дајандырылмасы илә бағлы бәјанат јајыб.
Бәјанатда Азәрбајҹанын Ҝәнҹләр вә Идман Назирлијинин вә Милли Олимпија Комитәсинин гәрары идман етикасы бахымындан нараһатедиҹи һесаб едилиб.
Билдирилиб ки, ачылыш мәрасиминдә баш верән вә чох тез арадан галдырылан һадисәнин идманчыларын тәһлүкәсизлији вә јарышын раһат кечмәси илә һеч бир әлагәси јохдур.
Лакин Ермәнистанын бу изаһаты Азәрбајҹан тәрәфини гане етмәјиб.
Азәрбајҹан Хариҹи Ишләр Назирлијинин бәјанатында дејилир ки, јарыш тәшкилатчыларынын бу ҹүр нифрәт характерли һәрәкәтләрә гаршы һеч бир тәһлүкәсизлик тәдбири ҝөрмәмәси нараһатедиҹидир.
342/