Әл-Ҹәзирә хәбәр сајтынын мәлуматына ҝөрә, АБШ-ын 14 конгресмени өз мәктубларында билдирибләр ки, АБШ-ын Исраилә јардымы фәләстинлиләрин һүгугларыны позмаг үчүн истифадә едилмәмәлидир.
Ганунвериҹиләр һәмчинин Ҹо Бајден администрасијасындан Фәләстинин һүгугларыны позмаг үчүн Америка силаһларындан истифадә олунуб олунмадығыны арашдырмағы тәләб едибләр.
Онлар вурғулајыблар ки, Ағ Ев америкалы верҝи өдәјиҹиләринин пулларынын гејри-гануни јашајыш мәнтәгәләринин тикинтисинә дәстәк үчүн истифадә едилмәмәсини тәмин етмәлидир.
1967-ҹи ил мүһарибәси вә Иордан чајынын гәрб саһилиндә вә Гүдсүн шәргиндә Фәләстин торпагларынын ишғалындан сонра сионист режим тәрәфиндән салынан јәһуди гәсәбәләриндә јүз минләрлә сионист мүһаҹир мәскунлашдырылыб.
Бирләшмиш Милләтләр Тәшкилаты вә дүнјанын әксәр өлкәләри сионист режимин салдығы јашајыш мәнтәгәләрини гејри-гануни һесаб едир, чүнки бу режим 1967-ҹи ил мүһарибәсиндә бу торпаглары ишғал едиб вә Ҹеневрә Конвенсијасына әсасән ишғалчынын ишғал олунмуш торпагларда һәр һансы тикинти апармасы гадағандыр.
Хатырладаг ки, АБШ дөвләти сионист режимин фәләстинлиләрә гаршы амансыз һәрәкәтләринә ҝөз јумур вә Тел-Әвивә малијјә, еләҹә дә һәрби јардымларыны давам етдирир.
342/