Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Русија Ермәнистандан
НАТО тәлимләриндә иштиракла бағлы изаһат истәјиб.
Буну Русија Хариҹи Ишләр Назирлијинин рәсми нүмајәндәси Марија Захарова бу ҝүн кечирдији брифингдә билдириб.
Онун сөзләринә ҝөрә, НАТО Русијанын тәрәфдашларыны өз маневри илә актив шәкилдә ҹәлб етмәјә давам едир: "Шимал алјансы буну НАТО стандартларыны тәтбиг едәрәк һәјата кечирир, бу дөвләтләрин мүдафиә комплексләрини јенидән формат едәрәк һәмин өлкәләрин дахили вә хариҹи сијаси просесләринә, орду гуруҹулуғуна тәсир рычаглары әлдә етмәјә сәј ҝөстәрир.
Һәр шејдән өнҹә бу, постсовет мәканына аиддир, һансы ки, НАТО үчүн Русија илә әсл ҝеосијаси зиддијјәтләр мејданчасыдыр. АБШ вә онун мүттәфигләри Русија илә реҝион өлкәләринин әмәкдашлығыны нүфуздан салмаға ҹәһд ҝөстәрир, һәмин өлкәләри фәргли форматларда әмәкдашлыға чәкир.
Һәмин әмәкдашлыглар ачыг-ајдын анти-Русија, демәк олар ки, бәзән русофоб характер дашыјыр. НАТО-нун бу ҹүр фәалијјәти мүхтәлиф реҝионларда вәзијјәтин ҝәрҝинләшмәсинә, мүнагишә потенсиалынын артмасына, јени ајырыҹы хәтләрин јаранмасына ҝәтириб чыхарыр.
Биз ермәни һәмкарларымыздан Ермәнистанын НАТО тәлимләриндә иштиракы илә бағлы рәсми изаһат истәмишик. Алаҹағымыз ҹаваба ҝөрә реаксијамыз мүәјјән олаҹаг. Сөзсүз ки, Ермәнистанын КТМТ тәлимләрини өз әразисиндә кечирмәкдән имтина етмәси тәәссүф доғурур вә реҝионал тәһлүкәсизлијин јүксәлдилмәсинә јардым етмир".
Диггәт: Хәбәрдән Истифадә Етдикдә Мәнбәјә Истинад Лазымдыр!