“Азәри Фридом” каналында чалышан мүхалифәтчи журналист Азәрбајҹандакы сон һәбсләрин маһијјәтини фаш етди.
Гурбан Мәммәдов чыхышында дејиб ки: “Тәртәр” иши заманы бәзи әсҝәрләр һәбс едилдикдә етираф едибләр ки, онлар ермәни әсҝәрләри тәрәфиндән ҹинси тәҹавүзә мәруз галыблар. Әҝәр бу өлкәдә һәрбчиләрдән белә етирафлар ала билирләрсә, "һансыса өлкә мәнә суи-гәсд сифариш вериб! " етирафыны да асанлыгла алмаг мүмкүндүр. Лакин телевизијада ҝөстәрилән бу ҹүр етирафлар дәлил сајылмыр! Гәбул едилмәси дәлил о сәнәд сајылар ки, тәгсирләндирилән вә ја һәбс едилән шәхсин әмәлләрини ҝөстәрән сәнәд ортаја гојулсун вә һөкумәт һәбс олунан шәхсләрлә бағлы белә бир сәнәди халга тәгдим етмәјиб!”.
Гурбан Мәммәдов билдириб ки, ҝүнаһсыз инсанларын һәбси өлкәдә тәһлүкәли вәзијјәт јарадаҹаг! Бу һакимијјәт халгын өвладларына гәсд едир. Тәртәр мәсәләсиндә Ермәнистана ҹасуслуг ады алтында халгын өвладлары өлдүрүлдү, инди дә Ирана ҹасуслуг ады алтында адамлары һәбс едирләр, инсанлара јалан данышырлар.
Фазил Мустафанын өлдүрүлмәсинә ҝәлинҹә, мүхалифәтчи фәал гејд едиб ки, ону һәгигәтән вурдуглары һеч кәсә мәлум дејил! “Хәбәрләрдә Фазил Мустафанын һәјат јолдашынын мүсаһибәсини охудум ки, евин јахынлығында тәҹили јардым машыны олуб вә ҝүлләни тез Фазилин бәдәниндән чыхарыблар!! Евинин јанында Фазил Мустафанын ҝүлләләнәҹәјини тәҹили јардым билирдими?! Һәм дә мүсаһибәдә Фазил Мустафанын өзүнүн дедијини ешитдим ки, ҝүллә бәдәнинә дахил оланкән елә һәмин вахт ону бәдәниндән чыхарыблар!! Ҝөрәсән бунлардан һансы доғрудур?”, дејә Гурбан Мәммәдов сөјләјиб.
342/