депутат Фазил Мустафаја иддиа олунан һүҹумла бағлы сахланыдлығы билдирилән Илкин Сүлејманова наркотик иттиһамы верилиб.
Бир нечә ҝүн әввәл Азәрбајҹан Милли Мәҹлисинин депутаты Фазил Мустафаја гаршы иддиа олунан силаһлы һүҹумда шүбһәли шәхс кими медиада тәгдим едилән Илкин Сүлејманову наркотикләрин сатышында иттиһам едирләр. Бу барәдә "Туран"а Илкин Сүлејмановун әмиси Елнур Сүлејманов мәлумат вериб.
Е.Сүлејманов гејд едиб ки, Фазил Мустафаја суи-гәсддә 6 нәфәр иттиһам олунур, көмәкчиләрдән бири дә ҝуја Илкиндир. “Анҹаг биз буну гәбул етмирик вә бу гејри-мүмкүндүр. Дејирләр ки, һадисә мартын 28-дә саат 21 радәләриндә олуб, амма Илкинин Хоҹасән гәсәбәсиндә 20:15-дә мүшаһидә камерасында ҝөрүнтүләри вар, чөрәк алыб евә ҝедир. Бу мүмкүндүр ки, физики олараг о өзүнү саат 21 үчүн Забрата чатдырсын?”
Е.Сүлејмановун сөзләринә ҝөрә, бир мүддәт әввәл дөвләт тәрәфиндән Илкин Сүлејманова тәјин олунан вәкил онларла әлагә сахлајараг онун Ҹинајәт Мәҹәлләсинин “габагҹадан әлбир олан бир груп шәхс тәрәфиндән вә ја мүтәшәккил дәстә тәрәфиндән сатыш мәгсәди илә ганунсуз олараг наркотик васитәләринин дөвријјәси маддәси илә иттиһам олунур.
“Биз бу иттиһамларын һеч бири илә разылашмырыг вә гәбул етмирик, онун гәтијјән наркотикә аидијјәти јохдур. Апарсынлар, јохласынлар, ганында наркотик вар? Гәтијјән мүмкүн дејил. Илкин садәҹә диндар олдуғуна ҝөрә белә мәсәләләрдә иттиһам олунур”.
342/