Ермәнистанын хариҹи ишләр назири бәјан едиб ки, Үчтәрәфли Бәјанатын демәк олар бүтүн мүддәалары Азәрбајҹан тәрәфиндән позулубдур.
Бу барәдә Арарат Мирзојан Румынијанын хариҹи ишләр назири илә ҝөрүшдән сонра вердији ачыгламада билдириб.
“Мән һәмкарыма һәм Ермәнистан Республикасынын, һәм дә Дағлыг Гарабағ халгынын үзләшдији тәһлүкәләр барәдә мәлумат вердим. Тәәссүфләр олсун ки, 2022-ҹи илин декабр ајындан Лачын дәһлизинин бағланмасы, һәдә-горху ҝәлмәси, еләҹә дә Азәрбајҹанын диҝәр әмәлләри Дағлыг Гарабағын ермәни әһалисини өз евләрини тәрк етмәјә мәҹбур етмәк мәгсәди дашыјыр”, - дејә Ермәнистанын ХИН башчысы вурғулајыб.
О гејд едиб ки, системли етник тәмизләмә сијасәти Азәрбајҹанын бејнәлхалг иҹтимаијјәтин Дағлыг Гарабағ әһалисинин һүгуглары вә тәһлүкәсизлији мәсәләсини һәлл етмәк чағырышларына ҹавабыдыр. Бунунла әлагәдар Лачын дәһлизинин ганунсуз бағланмасы 10 нојабр 2020-ҹи ил тарихли үчтәрәфли бәјанатын јеҝанә ачыг шәкилдә позулмасы факты дејил. Бәјанатда Азәрбајҹан тәрәфиндән позулмајан мүддәа демәк олар ки, јохдур. Азәрбајҹан ермәни һәрби әсирләри давамлы олараг ҝиров кими сахламагла, һабелә Ермәнистанын суверен әразисиндән дәһлиз јарадылмасыны тәләб етмәклә бәјанатын шәртләрини позмагда давам едир.
Мирзојан вурғулајыб ки, бүтүн чәтинликләрә бахмајараг, Ермәнистан Азәрбајҹанла диалогу давам етдирир, вә Ермәнистанын реҝионда сүлһ вә сабитлијә наил олмаг үчүн ҝүҹлү сијаси ирадәси вар.
342/