аҝентлијинин әрәб бөлмәсинә истинадән хәбәр верир ки, Түркијәнин Хариҹи Ишләр Назирлији мартын 31-дә ахшам саатларында бәјанат јајараг, Данимаркада Гурана вә бу өлкәнин бајрағына гаршы нифрәт долу һүҹуму кәскин шәкилдә писләјиб. Бәјанатда дејилир: “Мартын 24-дә Данимаркада Гуран вә Түркијә бајрағына гаршы һәјата кечирилән вә мүгәддәс Рамазан ајында јенидән тәкрарланан мәнфур һүҹуму шиддәтлә гынајырыг”. Түркијә Хариҹи Ишләр Назирлији бу бәјанатда билдириб: “Биз һеч бир шәкилдә бу мәнфур һәрәкәтә ифадә азадлығы ады алтында иҹазә верилмәсини гәбул етмирик вә бу јанашма һеч вахт әсасландырыла билмәз”. Бу бәјанатда вурғуланыр: “Белә әмәлләрин тәкрарланмасынын гаршысынын алынмасы үчүн һүгуги вә инзибати тәдбирләрин гејри-кафи олмасы, сијаси ирадәнин олмамасы, һәмчинин ҝүнаһкарларын ҹәзасыз галмасы јени тәхрибатлара сәбәб олуб”. Түркијә Хариҹи Ишләр Назирлији әлавә едиб: “Бу һәрәкәт сон заманлар Авропада анти-исламизм, ксенофобија, ајры-сечкилик вә иргчилијин артдығынын әјани сүбутудур. Һәмчинин толерантлыға, динҹ јанашы јашама мәдәнијјәтинә, демократик дәјәрләрә инананлара гаршы нифрәт вә һүҹумлар бу ҹүр һәрәкәтләрә сәбәб олур. Бу ҹүр һәрәкәтләрә мәһәл гојмамаг вә ҝөрмәмәзликдән ҝәлмәк бөјүк ахмаглыгдыр”. Һәмин бәјанатда дејилир: “Бу һәрәкәтдән сонра Данимарканын Анкарадакы сәфири Хариҹи Ишләр Назирлијинә чағырылыб вә Түркијәнин етиразы она чатдырылыб”. Түркијә Хариҹи Ишләр Назирлији һәмчинин Данимарка һакимијјәт органларындан бу ҹинајәтләри төрәдәнләрә гаршы лазыми тәдбирләрин ҝөрүлмәсини вә бу һадисәнин тәкрарланмамасы үчүн тәсирли тәдбирләрин ҝөрүлмәсини истәјиб. /
/342/