“Азәрбајҹан вә Исраил Иранын тәһдидини бөлүшүр. Иран реҝионумузу тәһдид едир, террора дәстәк вермәклә, малијјәләшдирмәклә Јахын Шәргдә гејри-стабиллик јарадыр. Биз Ирана гаршы бирҝә һәрәкәт етмәлијик. Иранын нүвә имканларыны ҝенишләндирмәсинә имкан вермәмәлијик”. Бу сөзләри мүсәлманлара вә ислам дүнјасына гаршы һәр ҝүн ҹинајәт төрәдән, дөвләт терроризминин бариз нүмунәси олан, гәсбкар сионист режимин ХИН башчысы Ели Коһен Тәләвивдә мүсәлман Азәрбајҹан Республикасынын хариҹи ишләр назири Ҹејһун Бајрамовла бирҝә мәтбуат конфрансында дејиб.
Апартеид режиминин ХИН башчысы Азәрбајҹаны Исраилин стратежи тәрәфдашы адландырыб вә
“30 ил әрзиндә биз дәрин мүнасибәтләрдән һәзз алмышыг”, дејиб.
Ели Коһенин Азәрбајҹан Республикасы хариҹи ишләр назирини јанына алараг ишғал олунмуш Фәләстин торпагларындан Ираны тәһдид етмәси, тәмсил етдији режимин Ирана гаршы дүшмәнчилик планларында Азәрбајҹан Республикасы илә бирликдә һәрәкәт едәҹәјинә ејһав вурмасындан сонра Азәрбајҹан ХИН башчысы Ҹејһун Бајрамов да онун сөзләринә гүввәт олараг Азәрбајҹанда 140-а гәдәр Исраил ширкәтинин фәалијјәт ҝөстәрдијини дејиб.
Ҹејһун вајрамов һәмин сионист ширкәтләрин ән әсасы Азәрбајҹан Республикасынын кәнд тәсәррүфаты, су идарәчилији вә туризм саһәләриндә фәалијјәт ҝөстәрдикләрини дә дилә ҝәтириб.
Өнҹә ифша олунмуш мәлуматлара ҝөрә, сионист Исраил режими Азәрбајҹан Республикасынын Иранла һәмсәрһәд әразиләриндә кәнд тәсәррүфаты, су идарәчилији вә туризм фәалијјәтләри пәрдәси архасында Ирана гаршы мәкирли планларла мәшғулдур.
Ишғалчы режимин Ирана гаршы рәсми Бакы илә бирликдә һәрәкәт етмәсини өзү дә Азәрбајҹан рәсмиси илә ҝөрүшдән дәрһал сонра вә онунла бирҝә мәтбуат конфрансында дилә ҝәтирмәсиндән сонра артыг реаллығын нәдән ибарәт олдуғуна шүбһә галмыр.
342/