Ибридилли медиалар чәршәнбә ахшамы ҝүнү билдирдиләр ки, сионист режимин баш назири Бенјамин Нетанјаһунун мәһкәмә ислаһатларынын гәбул едилмәси просесинин дајандырылдығына даир сөзләринә рәғмән, она гаршы чыханлар күчә етиразларыны давам етдирирләр.
Сионист “Ы 24” каналынын мәлуматына әсасән, ишғал олунмуш әразиләрдәки етираз һәрәкатынын рәһбәрләри Нетанјаһунун бу ҝери отурмасы илә кифајәтләнмәјиб, күчәләрдә мүбаризәнин давам етдирилмәсинә вә тәслим олмамаға тәкид едирләр. Онлар дејирләр ки, Нетанјаһунун лајиһәнин ганунвериҹилик просесини мүвәггәти шәкилдә дајандырдығыны билдирмәсинә бахмајараг, бу ҝерчәк олмајаҹаг. Әксинә о, ҝәләҹәкдә даһа ҝениш сәс чохлуғу илә өзү вә мүттәфигләринин нәзәрдә тутдуглары гануни јолу давам етдирмәјә чалышаҹаг.
Сионист режимин баш назири базар ертәси ҝүнү бу режимин мәһкәмә системи барәдәки өз галмагаллы лајиһәсинин дајандырылмасындан хәбәр вериб, деди ки, мәһкәмә системиндә дәјишикликләр лајиһәсини дајандырмаг вә диалога фүрсәт вермәк гәрарына ҝәлиб.
О, сонра иддиа етди ки, зоракылыгдан истифадә етмәјә вә вәзијјәти аловландырмаға һазыр олан ҹүзи сајда груп мөвҹуддур; онлар һәрбчиләрин ордуда иштирак етмәмәләрини истәјирләр- Исраил исә орду олмадан мөһкәм галмајаҹагдыр.
Нетанјаһунун өз галмагаллы лајиһәсинин ганунвериҹилик просесинин давам етмәсиндән ҝери чәкилмәсинин фонунда гејд едәк ки, сионист медиалар онун коалисијасынын бу барәдә һәмфикир олмадығыны билдирмишдиләр.
342/