Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Москвада ишҝүзар
сәфәрдә олан Иран Ислам Республикасынын хариҹи ишләр назири Һүсејн Әмир Абдуллаиһан
русијалы һәмкары Серҝеј Лавровла данышыгларынын јекунларына даир бирҝә мәтбуат конфрансында
билдириб:
“Һесаб едирик ки, Ҹәнуби Гафгаз реҝионунда ҝәрҝинлик нә Азәрбајҹанын, нә дә Ермәнистанын хејринәдир.”
Ҹәнаб Абдуллаһиан, Лавровла Ҹәнуби Гафгаздакы вәзијјәти мүзакирә етдикләрини сөјләјиб:
“Һесаб едирик ки, бурада сүлһ вә сабитлијә доғру һәрәкәт етмәк лазымдыр. Реҝионда ҝеосијаси вәзијјәти дәјишмәк үчүн хариҹи мүдахилә вә сәјләр даһа да ҝәрҝинләшдириҹи фактордур. Она ҝөрә дә һесаб едирәм ки, биз “3+3” әмәкдашлыг механизми илә, еләҹә дә мөвҹуд механизмләр васитәси илә һәрәкәт етмәлијик. Мәлум реҝионда мәсәләләри низамламаг үчүн ҝүҹ тәтбигинә гачмамалыјыг. Мән вә һәмкарым Лавров һесаб едирик ки, “3+3” әмәкдашлыг форматынын нөвбәти иҹласы Теһранда кечирилсин. Бунунла бағлы бизим үмуми мөвгејимиз вар. Һесаб едирик ки, бу, мәсәләләрин низамланмасына көмәк едәҹәк”.
Иран Ислам Республикасынын ХИН башчысы рәсми Теһранын реҝионда ҝеосијаси вәзијјәтлә бағлы дәјишикликләри инкар етдијини бәјан едиб.
“Һесаб едирик ки, диалог вә сијаси низамланма јолу илә һәрәкәт етмәк лазымдыр. Бүтүн тәрәфләр бу јолу истифадә етмәлидир. Бу реҝионда тәһлүкәсизлик диҝәр мәсәләләрлә гаршылыглы әлагәлидир. Һесаб едирик ки, реҝионун игтисади имканларынын чичәкләнмәси мәгсәди илә мөһкәм сүлһә вә инклүзив тәһлүкәсизлијә доғру һәрәкәт етмәк лазымдыр”, - Иран ХИН башчысы әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!