Русија Хариҹи Ишләр Назирлијинин сөзчүсү Марија Захарова ҹүмә ахшамы брифингдә билдириб ки, Москва јахын ҝәләҹәкдә үчтәрәфли Русија-Иран-Азәрбајҹан форматы чәрчивәсиндә ҝөрүшүн тәшкилинин мүмкүн олаҹағыны ҝөзләјир.
"Үмид едирик ки, јахын ҝәләҹәкдә үчтәрәфли ҝөрүшүн ҝүндәлији вә шәртләри илә бағлы консенсуса наил олмаг мүмкүн олаҹаг. Биз дә өз нөвбәмиздә буна өз төһфәмизи вермәјә һазырыг", - дејә дипломат үчтәрәфли форматын перспективләри һаггында суала ҹаваб верәркән дејиб.
О, һәмчинин Москванын бу формата бөјүк әһәмијјәт вердијинә диггәт чәкиб, чүнки формат өзүнү “игтисадијјат, нәглијјат вә енерҝетика саһәләриндә бирҝә лајиһәләрин практики һәјата кечирилмәсинә диггәт јетирмәклә гаршылыглы фәалијјәт үчүн еффектив платформа” кими танытдырыб.
"Биз үчтәрәфли әмәкдашлығын өлкәләримиз арасында гаршылыглы фајдалы әлагәләрин мөһкәмләндирилмәсинә вә мүасир шәраитдә, о ҹүмләдән Шимал-Ҹәнуб бејнәлхалг нәглијјат дәһлизиндә јүксәк тәләбат олан дајаныглы нәглијјат инфраструктурунун јарадылмасына мүһүм төһфә верәҹәјини ҝөзләјирик", - Захарова билдириб.
Русија Хариҹи Ишләр Назирлијинин нүмајәндәси гејд едиб ки, “бу, һәм үчлүјүн тиҹарәт дөвријјәсинин даһа да артырылмасы, һәм дә үч дөвләтин марагларына ујғун олараг фасиләсиз транзит дашымаларынын тәмин едилмәси бахымындан ваҹибдир”.
342/