Әһли-Бејт (ә) Хәбәр Аҝентлији

мәнбә : Sahartv
cümə

24 mart 2023

19:33:24
1353897

Франсада үмумөлкә тәтилләринин 9-ҹу дөврү кечирилир

Франсада һәмкарлар иттифагларынын пенсија јашынын артырылмасы лајиһәсинә гаршы ҝениш аксија вә тәтилләри бу өлкәдә ҝедиш-ҝәлишләри вә планлашдырылмыш сәфәрләри позубдур.

Етиразчылар «Шарл де Голл» бејнәлхалг һава лиманы, дәмирјолу стансијалары вә јолларыны, һәтта нефтајырма заводларыны бағлајыблар.Сүрәт гатарларынын, реҝионал гатарларын, Парис метросунун, бир чох шәһәрдә иҹтимаи нәглијјат системинин фәалијјәти позулуб,/ учушларын отуз фаизә јахыны ләғв олунубдур.Дүнәнки һадисәләр үмумиликдә, Франсада үмумөлкә тәтилләринин доггузунҹу дөврү сајылыр.Сон бир нечә ҝүн әрзиндә Франса күчәләриндә зоракылыг һаллары сон дәрәҹә артыб. Етиразчыларын бу өлкә полиси илә тоггушмалары өзүнүн кулминасија нөгтәсинә чатыб. Етиразчылар дүнән һәмчинин Франсанын мүхтәлиф шәһәрләриндәки әсас маҝистрал јолларыны вә кечидләри бағлајыблар.Белә бир һалда, Франса президенти Еммануел Макрон өз мөвгејинә исрар етмәкдә давам едир. Бу өлкә һөкумәти ачыг шәкилдә билдрир ки, пенсија јашынын алтмыш икидән алтмыш дөрдә галдырылмасы гануну бу ил мүтләг иҹра едилмәлидир.Һәмчинин Франсада анти-һөкумәт етиразларынын шиддәтләнмәсинин ардынҹа Макрон дејибдир ки, јенидән президент сечкиләриндә иштирак етмәк нијјәтиндә олмадығына ҝөрә, өз рејтингини «Франсанын марагларына фәда етмә»јә һазырдыр.

342/