Әһли-Бејт (ә) Хәбәр Аҝентлији

мәнбә : ABNA24
cümə axşamı

23 mart 2023

14:18:05
1353659

Америкалылар башларыны итирибләр

Ислам Ингилабынын Бөјүк Рәһбәри дүнән јени ҝүнәш илинин илк ҝүнүндә пак Рәзәви һәрәминин јахындан вә узагдан ҝәлмиш зәвварларынын топлантысында реҝиондакы американларын чаш-баш галмаларына ишарә илә, вурғулајыблар ки, америкалылар башларыны итирибләр.

Һәзрәт Ајәтуллаһулузма Хаменеи билдирибләр ки, Иран Ислам Республикасы гурулушунун реҝиондакы јолу вә сијасәти ајдындыр вә нә етдијимизи билирик. О һәзрәт әлавә едибләр: Амма америкалылар башларыны итирибләр, зира әҝәр реҝионда галсалар, Әфганыстанда олдуғу кими, халгларын ҝүнү-ҝүндән артан нифрәтләрилә үзләшиб, реҝиондан ҝетмәјә мәҹбур олаҹаглар. Әҝәр ҝетсәләр дә, өз тамаһ вә марагларыны итирәҹәкләр ки, бу чаш-башлыг онларын ашкар зәифлијинин нишанәсидир. Ингилаб Рәһбәри чеврилиш, санксија, сијаси тәзјигләр, мисли ҝөрүнмәмиш медиа һүҹумлары, тәһлүкәсизлик фитнәләри вә тајы ҝөрүнмәмиш игтисади санксијалары дүшмәнләрин Иран әлејһинә ардыҹыл фитнәләринин мигјаслары адландырыб вә вурғулајыблар:

Бу дүшмәнчиликләрин сон дөврүндә Америка вә бәзи Авропа өлкәләринин дөвләт башчылары, өтән ил олдугҹа “ҹүзи мигдарда кәс”ин төрәтдији иғтишашлары ачыг шәкилдә һимајә етдиләр вә мүхтәлиф силаһ, сијаси, малијјә, тәһлүкәсизлик вә медиа дәстәкләрилә Иран Ислам Республикасыны һеч олмаса, зәифләтмәјә чалышдылар, амма мејданда дүз/ бу һәдәфин әкси баш верди/ вә Иран Ислам Республикасы бу бејнәлхалг фитнәјә галиб ҝәлди вә ҝөстәрди ки, ҝүҹлү вә сарсылмаздыр. Ислам Ингилабынын Бөјүк Рәһбәри Иран Ислам Республикасынын мүхтәлиф саһә вә мејданларда, о сырадан нефтајырма заводлары, мүалиҹә вә сәһијјә мәркәзләри, инфраструктурлар, мүдафиә, нүвә вә һава-космос саһәләриндәки ирәлиләјишләри, еләҹә дә нано вә биоложи технолоҝијалар кими мејданларда дүнјанын габагҹыл өлкәләри сырасында гәрарлашмасы, һабелә елм вә технолоҝијадакы тәрәггисини хүсуси вурғу илә гејд едибләр. О һәзрәт сөјләјибләр: Хариҹи әлагәләр саһәсиндә дә дүшмәнләрин Ираны тәҹрид етмәк үзрә сәјләри уғурсуз галды. Иран Ислам Республикасы Асија илә әлагәләрини јүз фаиз мөһкәмләдиб вә бундан сонра да бу реҝиондакы мүһүм өлкәләрлә техники, елми, игтисади вә сијаси әлагәләрини ҝенишләндирмәји давам етдирәҹәк. Ингилаб Рәһбәри әлавә едибләр: Бәзи мүһүм реҝионал мүаһидәләрдә үзвлүк, һәмчинин Африка вә Латын Америкасы илә әлагәләрин ҝүҹләндирилмәси, Иранын хариҹи әлагәләр саһәсиндәки диҝәр ирәлиләјишләриндәндир. Ејни заманда, авропалылардан да күсмәмишик вә әҝәр онлар Американын архасынҹа ҝетмәкдән әл чәкәрләрсә, онларла ишләмәјә һазырыг.

342/