Модератор.аз-ын билдирдијинә ҝөрә бу һагда сепаратчы нәшрләр вә ермәни телеграм-каналлары мәлумат јајыб.
"Артсах 100 ҝүн блокадада" адлы митингдә Азәрбајҹана гаршы иттиһамлар сәсләниб. Чыхыш едәнләр "јеҝанә ниҹат јолунун" 1988-1991-ҹи илләрдә олдуғу кими, мүгавимәт вә мүбаризә олдуғуну" билдирибләр.
Хатырладаг ки, өтән илин декабрын 12-дә башлајан бир груп азәрбајҹанлынын иштиракы илә Ханкәнди-Лачын јолунда кечирилән етираз аксијасы 1001-ҹү ҝүндүр, фасиләсиз олараг давам едир.
Азәрбајҹан Республикасы билдирир ки, бу аксија Русија сүлһмәрамлыларынын нәзарәти алтында олан әразидә тәбии сәрвәтләрин гејри-гануни истисмарына гаршы тәшкил олунуб. Ермәнистан вә гарабағдакы сепаратчылар исә буну бәһанә едәрәк Азәрбајҹан Республикасынын Гарабағдакы ермәниләри блокадаја алдығыны вә һәтта сојгырымы нијјәти ҝүддүјүнү иддиа едирләр.
Рәсми Бакы билдирир ки, бу мүддәт әрзиндә еко-фәаллар јолун һәр ики тәрәфиндә һәрәкәтә һеч бир манеә төрәтмәдән сивил шәкилдә өз тәләбләрини ирәли сүрүр вә дүнја иҹтимаијјәтинә чағырышлар едирләр.
Авропа гурумлары вә гәрб өлкәләри вә бејнәлхалг тәшкилатлар Азәрбајҹан Республикасыны бу аксијаја сон гојмаға чағырыр вә әкс тәгдирдә бу өлкәјә гаршы ҹәзаландырыҹы тәдбирләр ҝөрүләҹәји билдирилир.
342/