Дмитри Песков Русија вә Чин президентләри Владимир Путин вә Си Тсинпинин мартын 21-дә Москвада кечирилмиш ҝөрүшү барәдә дејиб ки, ики президент Пекин сүлһ лајиһәсинин маддәләри әтрафында фикир мүбадиләси апарыбдыр.
Песковун сөзләринә ҝөрә, Путин-Тсинпин мүзакирәләриндә Русија газынын Чинә верилмәсинин ҝенишләндирилмәси мәсәләси нәзәрдән кечирилиб.
О, әлавә едиб: Русија вә Чин президентләринин ики өлкә әлагәләринин ҝенишләндирилмәси барәдәки бәјанатларынын дәгиг шәкилдә охунмасы зәрурәт дашыјыр.
Чин президентинин Москваја икиҝүнлүк сәфәри чәршәнбә ахшамы ҝүнү баша чатды.
Чин хариҹи ишләр назирлији билдириб ки, ики өлкә президенти өз ҝөрүшләринин сонунда Украјна мәсәләси һагда бирҝә бәјанат имзалајыб.
Назирлик әлавә едиб: Рус тәрәф тез бир заманда сүлһ мүзакирәләринин бәрпасы барәдәки өһдәлијини тәкрар едиб. Пекин дә буна ҝөрә өз тәшәккүрүнү билдирир.
Русија президенти исә билдирибдир ки, Гәрб вә Украјнанын һазыр олаҹаглары һалда, Чин тәрәфиндән тәгдим олунмуш лајиһә Украјнада сазиш үчүн әсас ҝөтүрүлә биләр.
Москва вә Пекин инанырлар ки, бејнәлхалг дәјишикликләр вә дүнја низамынын ҝерчәкликләри чохгүтблү низама доғру кечидә әсас верир. Һалбуки гәрблиләр, хүсусән Америка тәкгүтблү низамын горунуб сахланылмасы вә дүнја полиси ролуну ојнамаг үзрә сәјинә исрар етмәклә унилатерализм јолу илә өз мәгсәд вә истәкләрини тәгиб етмәкдәдир.
342/